शुभराज भोम्जन
दक्षिण कोरिया । दक्षिण कोरियामा कृयाशिल पुर्वको संस्थाहरुको छाता संगठन पुर्वाञ्चल सरोकार समाज दक्षिण कोरियालाई किरात राई यायोक्खा र किरात याक्थुङ चुम्लुङ दक्षिण कोरियाले सामुहिक रुपमा आइताबार एक कार्यक्रमको बिच ज्ञापन पत्र बुझाएको छ ।
यायोक्खा र चुम्लुङले नेपाल सरकारले सरकारी कामकाजी भाषाको रुपमा प्रयोगमा ल्याएको सिरीजंगा लिपीमा पनि पुर्वाञ्चल सरोकार समाज र आवद्ध संस्थाहरुको नाम लेख्नुपर्ने माग राख्दै ज्ञापन पत्र बुझाएको हो । पुर्वाञ्चल सरोकार समाजमा आधिकारीक रुपमा दुई जातिय संस्थाहरु आवद्ध रहेकाले राज्यको निर्णय र आफुहरुको सम्मानको लागि सिरीजंगा लिपीमा पनि संस्थाको नाम लेखिदिनको लागि पूर्वाञ्चल भित्रका संस्थाहरुलाई आग्रह गरेको हो ।
किरात राई यायोक्खा र किरात याक्थुङ चुम्लुङले मात्रै सिरीजंगा लिपी प्रयोग नगर्ने हुदा पुर्वको अधिकांश जातिहरुले सिरीजंगा लिपीलाई प्रयोग गर्ने गरेकोले अन्य समुदायलाई समस्या नपर्ने दुबै जातिय संस्थाका अध्यक्ष द्धय पुरन याम्फु र दिर्ज काङवा लिम्बुले बताएका छन् ।
दुई जातिय संस्थाले बुझाएको ज्ञापन पत्र बुझ्दै समाजका अध्यक्ष गजेन्द्र शेर्माले आफुलाई ब्यक्तिगत रुपमा कुनै समस्या नरहेको र संस्थामा आवश्यक छलफल गरेर एक हप्ता भित्रमा मागप्रति निर्णय लिने बताए । अध्यक्ष शेर्माले सिरीजंगा लिपीमा नाम लेख्ने सवालमा पूर्वाञ्चल सरोकार समाज र समाज संग आवद्ध रहेका संस्थहरु सकरात्मकनै हुन सक्ने बताएका छन् ।
