हेटौंडा / मकवानपुर जिल्ला दुग्ध उत्पादक सहकारीकोे ३० औं साधारण सभा सम्पन्न भएको छ । मंगलबार भिमफेदी १ स्थित बुङदलमा सञ्चालन भएको साधारण सभामा बागमति प्रदेश सहकारी विकास र्बाेडका कार्यकारी उपाध्यक्ष नारायण प्रसाद देवकोटाको प्रमुख आतिथ्यता र मकवानपुर जिल्ला दुग्ध उत्पादक सहकारी संघको अध्यक्ष हरी प्रसाद कडेलको सभा अध्यक्षतामा कार्यक्रम भएको थियो ।
सभामा बार्षिक प्रतिवेदन प्रस्तुत गर्दै संचालक समितिका अध्यक्ष कडेलले सहकारीको स्थापना काल देखि जिल्लाका सबै संस्थाहरुमा एकै रेटमा दुग्ध संकलन गरी बिक्रि गर्दै आएको प्रतिवेदन मार्फत जानकारी दिए । कोभिड १९ मा ठुलो क्षति ब्यहोरर्नुका साथै यस बर्षमा लम्पी स्किन पशुघातक रोगले मकवानपुरमा ६४० दुग्ध दिने पशु गुमाउनु परेको उनले बताए । दुग्ध बिक्रि र दुग्धको भुक्तानि लिने समस्या मुख्य चुनौति रहेको उनले बताए ।
यसै गरी लेखा सुपरिवेक्षण समितिको संयोजक विर बहादुर गोलेले आर्थिक बर्षमा बसको बैठक एवंम कार्यक्रम तथा योजनाहरुको कार्यान्वयनको अवस्थालाई सुझाव सहित प्रस्तुत गरेका थिए । हेटौंडा उपमहानगरपालिका वडा नम्बर १ स्थित चौकिटोल दुग्ध उत्पादक सहकारी संघका ब्यवस्थापक कुमारमणि दाहालले सम्पत्ति दायित्व विवरण,आम्दानिका बिषयलाई समिक्षा गरेका थिए ।
कार्यक्रममा राष्ट्रिय सहकारी महा संघका संचालक सल्लाहकार बद्री प्रसाद लम्साल , केन्द्रिय दुग्ध सहकारी संघ संचालक सल्लाहकार बिदुर हुम्मागाई लगाएत अन्य पदाधिकारीहरुको उपस्थित रहेको थियो ।
