दक्षिण कोरिया । आपतकालीन् राहत कोष सहयोगार्थ पाँचथर सेवा समाज दक्षिण कोरियाले नेपाली नयाँ वर्षको अवसरमा सुवनमा महाजात्रा देखाउने भएको छ । आउदो १४ अप्रलिको दिन समाजले चलचित्रको दुई शो देखाउने जनाएको छ ।
पहिलो शो बिहान १० बजेदेखि सुरु हुने छ भने दोश्रो शो दिउसो साढे एक बजे सुरु हुने आयोजक संस्थाका अध्यक्ष रमेश लावतीले जानकारी दिएका छन् । सुवनमा सोही चलचित्र नवलपुर समाजले दुई शो देखाइसकेका छन् । प्रदिप भट्टराई द्धारा निर्देशित नेपाली कथानक चलचित्र महाजात्राले नेपाल संगै विदेशमा पनि राम्रो ब्यापार गरिरहेका छन् ।
बिशाल आवाज मल्टिमिडीयाले दक्षिण कोरियाभरी प्रदर्शणी अधिकार पाएको उक्त चलचित्रले दर्शकको राम्रो साथ पाइरहेका छन् । महाजात्रा हेर्न आउनको लागि संस्थाका अध्यक्ष रमेश लावतीले नेपाली चलचित्र प्रेमीहरुलाई सार्वजनिक रुपमा लाबा न्युजमार्फत आग्रह गरेका छन् ।
