शुभराज भोम्जन
दक्षिण कोरिया । नेपाली कथानक चलचित्र महाजात्रा मोक्पो शो आउदो अप्रील २१ मा हुने भएको छ । दक्षिण कोरियाको मोक्पो क्षेत्रको अग्रणी सामाजिक संस्था मोक्पो साम्हो साँझा चौतारीको अनुमतीमा खेलकुल बिकास कोष सहयोगार्थ मोक्पो फुटबल क्लब, मोक्पो भलिबल क्लब र मोक्पो क्रिकेट क्लबको सयुक्त आयोजनमा चलचित्र प्रदर्शन गर्न लागिएको हो ।
निर्देशक प्रदिप भट्टराई द्धारा लेखन तथा निर्देशन गरेको उक्त चलचित्रले नेपाल संगै विदेशमा पनि राम्रो ब्यापार गरिरहेको छ । दक्षिण कोरियाको लागि बिशाल आवाज मल्टिमिडीयाले प्रदर्शनको अधिकार पाएको उक्त चलचित्रले दक्षिण कोरियामा रहेका नेपाली चलचित्र प्रेमीहरुको उत्साहजनक साथ पाइरहेको छ । सौल, सुवन, गजेदो लगायतका शोहरुमा हाउसफुल भएको थियो । हुण्डाई साम्हो लोट्टे सुपर हलमा दिउसो साढै एक बजेदेखि प्रदर्शन हुने उक्त चलचित्र हेर्न आउनको लागि मोक्पो साम्हो साँझा चौतारीका प्रमुख सल्लाहकार धनराज योञ्जनले आग्रह गरेका छन् ।
