दक्षिण कोरिया । आउदो शुक्रबारदेखि विश्वभर सार्वजनिक प्रदर्शनको तयारीमा रहेको रामबाबु गुरुङ निर्देशित एबम् दयाहाङ राई अभिनीत चलचित्र ‘डिग्री माइला’ नेपालसँगै दक्षिण कोरियाको राजधानी सौलमा पनि नेपाली नयाँ वर्षको अवसर पारेर अप्रिल १४ तारिकमा प्रदर्शनमा आउने भएको छ ।
नेपाली नयाँ बर्ष २०८१ को अवसर पारेर म्युजिक खिम ईन्टरटेन्मेन्टको आयोजनामा दोङदेमुनको निक ट्राभल पछाडि रहेको 서울 종로구 지봉로5길7-5 हलमा पहिलो सो बिहान ११ बजे देखि र दोस्रो सो दिउसो २ः३० वाट गरिने आयोजकले जानकारी दिएको छ । दक्षिण कोरियाको लागि नमस्ते फ्यफुल्ला नेपाल कोरियन इन्टरटेन्मेन्ट प्रालिले प्रदर्शनको अधिकार प्राप्त गरे संगै २०८१ सालको नयाँ बर्षपछी कोरियाको बिभिन्न सहरहरुमा प्रर्दशन हुदैछ।
दक्षिण कोरियामा रहनुभएका सम्पूर्ण नेपाली भाषी महानुभावहरूमा ‘डिग्री माइला’ चलचित्र हेरेर मनोरञ्जन लिनको लागि चलचित्र प्रदर्शनी कार्यक्रममा उपस्थिति भइदिनुहुनका लागि आयोजकले अनुरोध गरेको छ। चलचित्रमा दयाहाङ राई, आँचल शर्मा, विजय बराल, बुद्धि तामाङ, प्रकाश घिमिरे, माओत्से गुरुङलगायतको अभिनय रहेको फिल्ममा बाँसुरी फिल्मस्को ब्यानरमा निर्माण भएको हो ।
