शुभराज भोम्जन
दक्षिण कोरिया । अन्ततः पुर्वाञ्चल सरोकार समाज दक्षिण कोरियाको नाम सिरिजंगा लिपिमा समेत लेखिने भएको छ । विगत एक दशक देखि दक्षिण कोरियामा कृयाशिल हुदै आइरहेको पुर्वाञ्चल सरोकार समाज दक्षिण कोरियाको सिरिजंगा लिपिमा समेत लेखिने भएको हो ।
हाल सम्म संस्थाको नाम अंग्रेजी र देवनागरी लिपिमा मात्रै लेख्दै आइरहेको थियो । पुर्वाञ्चल सरोकार समाजमा दुइ जातिय संस्था सहित १६ वटा संस्थाहरु आबद्ध रहेका छन् । गत मार्च ३ तारिकको दिन पुर्वाञ्चल सरोकार समाजमा आवद्ध रहेका दुइ जातिय संस्थाहरु किरात राइ यायोक्खा दक्षिण कोरिया र किरात याक्थुङ चुम्लुङ दक्षिण कोरियाले सामुहिक रुपमा पुर्वाञ्चल सरोकार समाजको नाम सिरिजंगा लिपिमा समेत लेखिनु पर्ने माग राख्दै समाजलाइ ज्ञापन पत्र बुझाएको थियो । जातिय संस्थाहरुले आफ्नो समुदायको सम्मान र पहिचानको सवालमा स्पष्ट हनुपर्ने माग राख्दै आइरहेको थियो ।
सिरिजंगा लिपि दुइ जातिय समुदायको मात्रै नभइ पुर्वका अधिकांश जातिय समुदायले प्रयोग गर्ने लिपि भएकाले यस विषयमा सबै स्पष्ट हुनुपर्ने भन्दै किरात राइ यायोक्खा र किरात याक्थुङ चुम्लुङ दक्षिण कोरियाले आवाज उठाउदै आइरहेको थियो । ज्ञापन पत्र प्राप्त भए पश्चात उक्त विषयमा समाजको कार्यसमिति र सरोकारवाला सबै पक्षहरु संग ब्यापक छलफल गरेर सतप्रतिशत जस्तै सहमति कायम गरेर समाजको नाम सिरिजंगा लिपिमा पनि लेख्ने निर्णय गरेको पुर्वाञ्चल समाज दक्षिण कोरियाका अध्यक्ष गजेन्द्र शेर्माले बताए ।
त्यसैगरी आफुहरुले राख्दै आएको माग सम्बोधन भएकोमा किरात राइ यायोक्खा र किरात याक्थुङ चुम्लुङका अध्यक्ष द्धय पुरन याम्फु र दिर्ज काङ्भा लिम्बुले खसी ब्यक्त गर्दै धन्यवाद समेत ज्ञापन गरेका छन् । संस्थाको नामको सवालमा भने नेपालमा पहिचानको आन्दोलन तथा कोशि प्रदेशको पुनःनामाकरणको माग राख्दै आन्दोलन चलिरहेकोले तत्काल परिवर्तन गर्ने पक्षमा आफुहरु नरहेको किरात राइ यायोक्खाका अध्यक्ष पुरन याम्फु राइले बताए । पुर्वाञ्चल सरोकार समाजको यस प्रकृतिको निर्णय र किरात राई यायोक्खा र किरात याक्थुङ चुम्लुङको पहलकदमिले गर्दा अन्य प्रादेशिक संस्थाहरुको नाम पनि जातिय समुदायको बाहुल्यता रहेको लिपिमा लेख्न दवाब सिर्जना भएको छ । यस विषयमा लाबा मिडीयाले मिडीया कभरेज गरेको थियो ।
