शुभराज भोम्जन
दक्षिण कोरिया । किरात याक्थुङ चुम्लुङ दक्षिण कोरियाको केन्द्रिय कार्यसमिति र तिन वटा क्षेत्रीय कार्यसमितिहरुको आयोजनामा सिरिजंगा लिपिको युनिकोड निर्माण सहयोगार्थ नेपाली कथानक चलचित्र “मनसरा” प्रदर्शन हुने भएको छ ।
चुम्लुङ केन्द्र र शाखाहरुले आउदो मे ५ को दिनमा एक्कैपटक सौल,जेजु, छल्लादोको जिन्जु र किम्हे बुसानमा चलचित्र प्रदर्शन गर्न लागिएको हो । चुम्लुङ केन्द्रिय कार्यसमितिले सउल शोको अलवा सुवनमा पनि चलचित्र प्रदर्शन गर्ने संस्थाका केन्द्रिय अध्यक्ष दिर्ज काङ्भा लिम्बुले लाबा न्युजलाई बताए । नेपाल तथा विदेशमा मे ३ अर्थात बैशाख २१ गते एक्कैसाथ प्रदर्शनीको तयारीमा रहेको उक्त चलचित्रको दक्षिण कोरियाको लागि प्रदर्शन अधिकार किरात याक्थुङ चुमलुङ दक्षिण कोरियाले लिएको छ ।
चुम्लुङ दक्षिण कोरियाका अध्यक्ष लिम्बुले दिएको जानकारी अनुसार उक्त चलचित्र दक्षिण कोरियाको बिभिन्न शहरहरुमा प्रदर्शनीको तयारीमा रहेको र कम्तीमा १४ स्थानमा प्रदर्शन हुने जनाएको छ । लिम्बुले शो लिन चाहने समुह तथा संस्थाहरु संग कुराकानी भैरहेको र शो लिन चाहनेहरुलाई सम्पर्क गर्न समेत आग्रह गरेका छन् । चलचित्र प्रदर्शनबाट मुनाफा भएको रकम किरातहरुको लिपि सिरिजंगा लिपिको युनिकोड निर्माणमा खर्चिने जनाएको छ । सिरिजंगा लिपिको युनिकोड निर्माणको लागि नेपाली २५ लाख रुपैयाँ भन्दा धेरै लाग्ने अनुमान गरिएको छ ।
कबड्डी फिल्मस्को ब्यानरमा उपेन्द्र सुब्बाको लेखन तथा निर्देशनमा तयार भएको चलचित्रको मुख्य भूमिकामा अभिनेता दयाहाङ राई,मिरुना मगर, प्रबिन खतिवडा र मेनुका प्रधान लगायतले अभिनय गरेका छन् । चलचित्रमा शैलेन्द्र कार्कीले लगानि गरेका छन् । उपेन्द्रको सुब्बाको लेखन तथा निर्देशनमा जारी जस्ता सुपरहिहट चलचित्र बनिसकेकाले यस चलचित्रले पनि राम्रो दर्शक तान्न सक्ने अनुमान गरिएको छ ।
