शुभराज भोम्जन
दक्षिण कोरिया । कोरियन पर्व छुसकको लागि नेपाल आदिवासी जनजाती महासंघ दक्षिण कोरियाले कार्यक्रम बाँडफाँड गरेको छ । महासंघ दक्षिण कोरियाले बाँडफाँड गरेको कार्यक्रम अन्तर्गत यस वर्षको छुसकमा कार्यक्रम गर्ने अधिकार शेर्पा संघ दक्षिण कोरियाले पाएको छ ।
आइताबार सौलको दोङदेमुन स्थित रहेको नेपाली थाइ रेष्टुरेण्टको सभाहलमा भएको कार्यक्रम बाँडफाँड कार्यक्रमले शेर्पा संघलाइ कार्यक्रम गर्ने अधिकार दिएको हो । शेर्पा संघ दक्षिण कोरियाले प्राप्त गरेको अनुमती अनुसार सेप्टेम्बर १६ तारिखमा सांगीतिक कार्यक्रमको आयोजना गर्ने छ । छुसकमा कार्यक्रम गर्नको लागि नेपाल मगर संघ दक्षिण कोरियाले अनुमती मागेता पनि मगर संघ सहित सबैको सर्वपक्षिय सहमतिमा यस पटकलाई शेर्पा संघलाई कार्यक्रम गर्ने अधिकार दिएको हो ।
कार्यक्रम बाँडफाँड आदिवासी जनजाती महासंघ दक्षिण कोरियाका अध्यक्ष विशन राइको अध्यक्षतामा सम्पन्न हुनुका साथै महासंघका संरक्षक लोचन राई, सल्लाहकार अप्त पुन मगर, राजु राई, गजेन्द्र शेर्मा, चित्र घले, ब्रो तमु, कुन्साङ दोर्जे लामा र विभिन्न जातिय संस्थाका अध्यक्षहहरुको सहभागिता रहेको थियो ।
