दक्षिण कोरिया । ओखलढुंगा सेवा समाज दक्षिण कोरियाको आयोजनामा अनमोल केसी अभिनीत नेपाली कथानक चलचित्र ‘फर्की फर्की’ को सौल शो हुने भएको छ ।
आपतकालीन राहत कोष स्थापनार्थको लागि यही जुन २३ तारिखको दिन सोलमा चलचित्रको प्रदर्शन गर्न लागिएको हो । सौलको लागि प्रदर्शन गर्ने अधिकार लिएको ओखलढुंगा सेवा समाजले सौलको जोगेसा हलमा चलचित्र देखाउन लागेको हो । चलचित्र हेर्नको लागि अनलाइन मार्फत टिकट बुकिङ पनि खुल्ला गरिएको छ ।
चलचित्र हेर्न आउनको लागि संस्थाका अध्यक्ष केशव श्रेष्ठले लाबा न्युज मार्फत अपिल समेत गरेका छन् । उक्त दिन पहिलो शो र दोश्रो शो गरेर दुई शो देखाउने समाजका अध्यक्ष केशब श्रेष्ठले बताएका छन् । रोहित अधिकारी फिल्मस्को प्रस्तुतिमा तयार भएको उक्त चलचित्रमा अनमोल केसी, जसिता गुरुङ रभि काफ्ले र समृद्धि अर्यालको मुख्य भूमिका रहेको छ । गत जेठ १० गतेदेखि प्रदर्शनीमा आएको उक्त चलचित्रले राम्रै ब्यापार गरिरहेका छन् ।
