दक्षिण कोरिया । नेपाल आदिवासी जनजाति महासंघ (नेफिन) दक्षिण कोरियाको वार्षिक साधारण सभा जुन २३ मा हुने भएको छ । महासंघले आफ्नो वार्षिक साधारण सभा सौलको दोङदेमुन स्थित रहेको नेपाली थाइ रेष्टुरेन्टको सभाहलमा आयोजना गर्न लागिएको हो ।
सन् २००८ मा स्थापना भएर जातीय संस्थाहरूको छाता संगठनको रुपमा क्रियाशील हुँदै आएको आदिवासी जनजाति महासंघले दक्षिण कोरियाको नेपाली समाजमा सकृय सहभागिता जनाउदै आइरहेको छ । यही जुन २३ तारिखमा आयोजना हुने वार्षिक साधारण सभामा आर्थिक प्रतिवेदन र वार्षिक सांगठनिक प्रतिवेदन प्रस्तुत गर्ने जनाएको छ ।
वार्षिक साधारण सभामा प्रस्तुत भएको प्रतिवेदनहरू छलफल गर्दै पास गर्ने योजना रहेको संस्थाका महासचिव दयाराम राना मगरले बताएका छन् । महासंघको अध्यक्ष विशन राईले वार्षिक साधारण सभामा सहभागिताको लागि लाबा न्युज मार्फत आग्रह गरेका छन् ।
