लुम्बिनी प्रदेश समाजको प्रथम अधिवेशन जुलाई ७ मा हुने 

दक्षिण कोरिया । लुम्बिनी प्रदेश समाज दक्षिण कोरियाको प्रथम अधिवेशन आँउदो जुलाई ७ तारिखमा हुने भएको छ । केही महिना अघि मात्रै हिमाल खनालको नेतृत्वमा तदर्थ समिति गठन गरिएको समाजको पूर्णता दिनको लागि प्रथम अधिवेशन गर्न लागिएको हो ।

समाजको अधिवेशन सौलको दोङदेमुन स्थित रहेको नेपाल थाइ रेष्टुरेन्टको सभाहलमा हुने जनाएको छ । बिहान ११ बजेदेखि सुरुहुने कार्यक्रममा सहभागिताको लागि अध्यक्ष हिमाल खनालले आग्रह गरेका छन् । दक्षिण कोरियामा गठन भएको प्रदेशको संरचनाहरू मध्ये लुम्बिनी प्रदेश समाज कान्छो प्रदेश स्तरिय संगठनको रुपमा रहेको छ । लुम्बिनी प्रदेश समाज गठन हुनुपूर्व अन्य ६ वटा प्रदेश समाजहरुको गठन भएर पनि पूर्ण रुपमा दयाशील हुँदै आइरहेको छ ।

Advertisement