काठमाण्डौं । गायक, शब्दकार तथा संगीतकार आस्मान लोप्चनको च्याङबा र मैच्याङ बोलको गीत भिडियो सहित सार्वजनिक भएको छ । सानै उमेर देखि सांगीतिक यात्रामा होमिएका सिन्धुपाल्चोक चौताराका लोप्चन मौलिक गित संगितलाई एउटा उचाईमा पुर्याउनको लागि हरपल लागि परिरहेको देखिन्छ ।
विशेषगरी खान्दोके सेलो बिटको गीत संगीतमा निक्कै लोकप्रिय रुपमा स्थापित हुन सफल गायक लोप्चनले बिल्कुलै फरक रोमान्टिक गित “च्याङ्बा र मैच्याङ” पत्रकार सम्मेलन मार्फत सार्वजनिक गरेको हो। शनिबार चलचित्र बिकास बोर्डको हलमा आयोजित कार्यक्रम जुगल गाउँपालिकाका अध्यक्ष रेशम स्याङ्बोको प्रमुख आतिथ्यता, डा.टासी छिरिङ लामा र नेपाल तामाङ कलाकार संघका अध्यक्ष विशाल काल्तानको विशेष आतिथ्यता एवं सिन्धुपाल्चोक समाज नेपालका संस्थापक अध्यक्ष थुप्तेन ग्याल्वो मोक्तान लगायत सयौंको उपस्थितिमा गीतको सार्वजनिक गरिएको हो ।
“च्याङ्बा र मैच्याङ” मा शब्द आस्मान स्वयम्, संगीत प्रकाश लामा, एरेन्ज बिसम आचार्य र मिक्सिङ साजान शाहले गरेका हुन्। स्वरमा उनलाई गायिका सुवानी मोक्तानले साथ दिएकी छिन। गीतको भिडियोलाई पौडेलले खिचेका छन्। विकास दाहालले सम्पादन गरेको भिडियोमा गायक लोप्चन स्वयम , मिस तामाङ २०२४ का विजेता रिया लामा, गोकुल तामाङका साथै अतिथि कलाकारको रुपमा सरना तामाङ र सोनाम लामाको अभिनय रहेको छ। गायक लोप्चनले केही समय अघि मात्रै मुन्नी मैसाप बोलको गीतको भिडियो सहित सार्वजनिक गरेको थियो ।
भिडियो हेर्नुहोस् ….
