मकवानपुरगढीमा ट्रिपर दुर्घटना हुदा लुङ्वाको घटनास्थलमै मृत्यु
हेटौंडा/ मकवानपुरको मकवानपुरगढी गाउँपालिकामा ट्रिपर दुर्घटना हुदा चालकको मृत्यु भएको छ ।
मकवानपुरगढी वडा नम्बर ७ स्थित खोटार स्थित भित्री सडकखण्डमा सिवम सिमेन्ट फ्याक्ट्रीको ढुङ्गा खानीबाट ढुङ्गा लोड लिई आउँदै गरेको ट्रिपर दुर्घटना भएको हो । उक्त दुर्घटनामा परी सोही वडा निवासी माथिल्लो जिम्बरका २४ वर्षीय देबेन्द्र लुङ्वाको घटनास्थलमै मृत्यु भएको बागमती प्रदेश प्रहरी कार्यालय हेटौंडाले जनाएको छ । बा २ क ६६६४ नम्बरको ट्रिपर ब्रेक फेल भई सडक छेउको भित्तामा ठोक्किँदा पल्टिएको थियो ।
...
