बागमती प्रदेश

हेटौंडा/ राष्ट्रिय स्वतन्त्र पार्टी रास्वपासँग भएको एकीकरण प्रयास १२ दिनमै टुट्नुमा रास्वपाको नेतृत्व नै पूर्ण रूपमा जिम्मेवार रहेको आरोप उज्यालो नेपाल पार्टीका अध्यक्ष कुलमान घिसिङले लगाएका छन् । मंगलबार हेटौंडामा आयोजित कार्यकर्ता भेला तथा प्रशिक्षण कार्यक्रममा बोल्दै उनले रास्वपासँग एकीकरण गर्ने निर्णय नै आफ्नो पार्टीका लागि गलत भएको निष्कर्षमा पुगेको बताएका छन्। एकीकरण प्रक्रिया अघि बढेपछि त्यसपछाडि ठूलो षड्यन्त्र रहेको बुझिएको दाबी गर्दै उनले सुरुमा सहमति जनाएर पछि एकतर्फी रूपमा सम्झौता भङ्ग गर्नु रास्वपाको ुराजनीतिक अपराधु भएको बताए। एकीकरणका क्रममा उज्यालो नेपालले ठूलो पद वा राजनीतिक भागबन्डा मागेको भनी बजारमा फैलाइएको प्रचार सरासर गलत भएको स्पष्ट पार्दै उनले रास्वपा नेतृत्वले यसबारे सामाजिक सञ्जाल वा अन्य कुनै माध्यमबाट औपचारिक रूपमा स्पष्ट धारणा सार्वजनिक नगरेर कुरा लुकाएको आरो...

हेटौँडा /  लगातारको वर्षाका कारण मकवानपुरको बकैया गाउँपालिका–६ स्थित ठूलो ज्यामिरे लगायतका क्षेत्रमा जमिन भासिने र चिरा पर्ने क्रम बढेपछि सिङ्गो बस्ती नै जोखिममा परेको छ । जमिन चिरिने र धसिने क्रम तीव्र बनेपछि जिल्ला सुरक्षा समिति मकवानपुरले मंगलबार सो क्षेत्रको स्थलगत निरीक्षण गरेको छ। प्रमुख जिल्ला अधिकारी बसन्त अधिकारीको नेतृत्वमा नेपाल प्रहरी, सशस्त्र प्रहरी, नेपाली सेना, जनप्रतिनिधि र सञ्चारकर्मी सहितको टोलीले बकैया–६ को ठूलो ज्यामिरे, मोरङढाप र ओढारखोला लगायतका जोखिमयुक्त क्षेत्रको अनुगमन गरेको हो । वडा नम्बर ६ कै ठूलो सुधाबाट करिब तीन घण्टाको पैदल यात्रापछि मात्र पुगिने सो दुर्गम क्षेत्रको करिब दुई वर्ग किलोमिटर क्षेत्रफलमा जमिन फाट्ने र भासिने समस्या देखिएको छ । कतिपय स्थानमा सडकभन्दा माथिल्लो भागको जमिन करिब १२ फिटसम्म धसिएको स्थलगत निरीक्षणका क्रममा पाइएको छ । ब...

हेटौंडा / नेपाली कांग्रेस को देशव्यापी १५औँ महाधिवेशन अन्तर्गत मकवानपुरको हेटौंडा उपमहानगरपालिका वडा नं ३ मा नयाँ नेतृत्व चयन भएको छ ।   आज आईतबार सम्पन्न वडा अधिवेशनबाट रोशन गोले सर्वसम्मत रूपमा वडा सभापति पदमा निर्विरोध निर्वाचित भएका छन् । बागमती प्रदेश, मकवानपुर जिल्लाको प्रतिनिधि सभा निर्वाचन क्षेत्र नं। २ तथा प्रदेश सभा क्षेत्र ’ख’ अन्तर्गत पर्ने हेटौंडा–३ मा पार्टीभित्रको आन्तरिक एकता र समझदारीलाई जोड दिँदै गोलेको नेतृत्वमा सर्वसम्मत कार्यसमिति चयन गरिएको हो । वडा सभापति पदमा निर्विरोध निर्वाचित भएपछि नवनिर्वाचित सभापति गोलेले आफूलाई विश्वास गरेर नेतृत्व सुम्पिने सम्पूर्ण पार्टी पंक्तिप्रति हार्दिक आभार तथा धन्यवाद व्यक्त गरेका छन् । उनले निर्वाचन सफल बनाउन महत्त्वपूर्ण भूमिका खेल्ने निवर्तमान वडा सभापति, महासमिति सदस्य, प्रदेश महाधिवेशन प्रतिनिधिहरू, वडा कार्यसमित...

हेटौंडा/ जिल्ला प्रहरी कार्यालय मकवानपुरका प्रहरी उपरीक्षक एसपी श्यामबहादुर खत्रीले आफ्नो कार्यकालको सुरुवातदेखि हालसम्म प्रहरीले गरेका काम तथा प्रगतिको विवरण सार्वजनिक गरेका छन् । उनले आज बुधबार पत्रकार सम्मेलनका बीच आफ्नो कार्यकालको प्रगति विवरण सार्वजनिक गर्नुभएको हो । एसपी खत्रीका अनुसार आर्थिक वर्ष २०८२÷८३ मा मकवानपुरमा साइबर अपराधसम्बन्धी १ सय २६ वटा घटना दर्ता भएका छन् । तीमध्ये फेसबुक आइडी ह्याक भएका २९ वटा, नक्कली फेसबुक आइडीसम्बन्धी ४७ वटा तथा टिकटक लगायत अन्य सामाजिक सञ्जालसँग सम्बन्धित ५० वटा घटना रहेका छन् । यस्तै, अनलाइन ठगी तथा स्क्यामसम्बन्धी ३ सय ५४ वटा निवेदन प्रहरीसमक्ष परेकोमा ३५ वटा निवेदनमा आवश्यक कारबाही तथा अनुसन्धानको काम अघि बढाइएको प्रहरीले जनाएको छ । आर्थिक वर्ष २०८२÷८३ मा लागूऔषधसम्बन्धी २ सय १४ वटा मुद्दा दर्ता भएका छन्। ती मुद्दामा ४ सय ४ जना पक्राउ परेका...

हेटौंडा/ मकवानपुरको मकवानपुरगढी गाउँपालिका–३ का ६ जना भूमिहीन दलित तथा सुकुम्बासीलाई लालपुर्जा वितरण गरिएको छ । जिल्ला भूमि समस्या समाधान समिति मकवानपुर र मकवानपुरगढी गाउँपालिकाले बुधबार एक कार्यक्रमको आयोजना गरी उनीहरूलाई जग्गाधनी प्रमाणपत्र प्रदान गरेको हो । प्रमुख जिल्ला अधिकारी तथा जिल्ला भूमि समस्या समाधान समिति मकवानपुरका अध्यक्ष वसन्त अधिकारीले भूमिसम्बन्धी समस्या समाधानका लागि केन्द्रमा समिति गठन भएलगत्तै जिल्लामा पनि समिति गठन गरी काम अघि बढाइएको बताउनुभयो । मकवानपुरलाई लालपुर्जा वितरणमा देशकै अग्रणी जिल्ला बनाउने उद्देश्यसहित काम सुरु गरिएको उहाँको भनाइ छ । अधिकारीका अनुसार हाल मकवानपुरगढीका ५७, बागमती गाउँपालिकाका ८८ र बकैया गाउँपालिकाका ५१ गरी २०२ वटा लालपुर्जा वितरणको प्रक्रियामा छन् । उहाँले आवश्यक कानुनी प्रक्रिया पूरा भएपछि ती लालपुर्जा वितरणको काम अघि बढाइने बताउनुभयो ।...

हेटौंडा ः हेटौँडा उपमहानगरपालिका–१० स्थित टोनी हेगन पार्कमा निर्माण भइरहेको तामाङ संग्रहालयको भौतिक संरचना ९० प्रतिशत पूरा भएको छ । तामाङ समुदायको भाषा, लिपि, भेषभूषा, संस्कृति र परम्पराको संरक्षण तथा प्रदर्शन गर्ने उद्देश्यले २०८० सालमा शिलान्यास गरी संग्रहालय निर्माण सुरु गरिएको हो । निर्माणका लागि आर्थिक वर्ष २०८०÷८१ मा हेटौँडा उपमहानगरपालिकाबाट ३० लाख, वडा नम्बर १० बाट ११ लाख र व्यक्तिगत स्रोतबाट ६ लाख रुपैयाँ सहयोग प्राप्त भएको उपभोक्ता समितिका अध्यक्ष रोशन गोलेले बताउनुभयो । यसैगरी आर्थिक वर्ष २०८१÷८२ मा नगरपालिकामा थप ३० लाख र १५ लाख रुपैयाँ बजेट प्राप्त भएको अध्यक्ष रोशन गोलेको भनाई छ ।आर्थिक वर्ष २०८२÷८३ मा हेटौँडा उपमहानगरपालिकाबाट ४० लाख रुपैयाँ तथा बागमती गाउँपालिका र भीमफेदी गाउँपालिकाबाट ५÷५ लाख रुपैयाँ सहयोग प्राप्त भएको थियो । चालु आर्थिक वर्ष २०८३÷८४ मा हेटौँडा उपम...

हेटौँडा / रसुवामा आएको बाढीबाट प्रभावित परिवारका लागि हेटौँडामा राहत सामग्री संकलन भइरहेको छ । विभिन्न व्यक्ति, समूह तथा समुदायको सहभागितामा खाद्यान्नलगायत आवश्यक सामग्री संकलन गरिएको हो । मकवानपुर क्षेत्र नम्बर १ का प्रतिनिधिसभा सदस्य प्रकाश गौतमले राहत संकलन कार्य आज बेलुका ५ बजेसम्म सञ्चालन हुने जानकारी दिनुभयो । संकलित राहत सामग्री भोलि नै नुवाकोट लगिने उहाँले बताउनुभयो । विपद्मा परेका परिवारको पीडामा केही राहत पु¥याउने उद्देश्यले स्वेच्छिक रूपमा खाद्यान्न, चाउचाउ, बिस्कुट, कपडालगायतका सामग्री सहयोग भइरहेको गौतमले बताउनुभयो । उहाँले विपद्को समयमा मानवीय सहयोग र एकताको आवश्यकता रहेको भन्दै सक्दो सहयोग गर्न सबैलाई आग्रह समेत गर्नुभयो ।...

हेटौंडा / मनहरी गाउँपालिकाले भोटेकोशी बाढीपीडितका लागि १० लाख रुपैयाँ सहयोग गर्ने भएको छ। गाउँपालिकाले प्रधानमन्त्री विपद् सहायता कोषमा उक्त रकम जम्मा गर्ने निर्णय गरेको हो । आइतबार बसेको स्थानीय विपद् व्यवस्थापन समितिको बैठकले बाढीबाट प्रभावित रसुवा, नुवाकोट तथा धादिङलगायतका क्षेत्रका नागरिकको उद्धार तथा राहतका लागि सहयोग गर्ने निर्णय गरेको गाउँपालिकाले जनाएको छ । सहयोगमा जनप्रतिनिधिहरूले समेत आफ्नो सेवा सुविधा कटौती गर्ने भएका छन्। गाउँपालिका अध्यक्ष रञ्जन कालाखेतीले तीन महिनाको सेवा सुविधा बाढीपीडितका लागि उपलब्ध गराउने घोषणा गरेका छन् भने अन्य जनप्रतिनिधिले एक महिनाको सेवा सुविधा बराबरको रकम सहयोग गर्ने निर्णय भएको छ । यसअघि जिल्ला प्रशासन कार्यालय मकवानपुरको आग्रहअनुसार गाउँपालिकाले आवश्यक उद्धार सामग्री सुपारेटार ब्यारेकलाई हस्तान्तरण गरिसकेको छ । बाढी प्रभावित क्षेत्रमा थप राहत ...

मकवानपुर / दोलखाको बैतेश्वर गाउँपालिका–७ मा सयपत्री जनजागरण युवा क्लबको आयोजनामा प्रथम दोलखा जिल्ला अन्तरवडास्तरीय खुला पुरुष भलिबल प्रतियोगिता–२०८३ सम्पन्न भएको छ । असोज २७ गतेदेखि ३१ गतेसम्म सञ्चालन भएको प्रतियोगिताको समापन युवा नेता मनिष तामाङको अध्यक्षतामा सम्पन्न भएको हो । प्रतियोगितामा तामाकोसी गाउँपालिका–३ प्रथम, मेलुङ गाउँपालिका–५ दोस्रो र जिरी नगरपालिका–१ तेस्रो भएका छन्। प्रथम हुने तामाकोसी गाउँपालिका–३ ले एक लाख रुपैयाँ, दोस्रो हुने मेलुङ गाउँपालिका–५ ले ७५ हजार रुपैयाँ र तेस्रो हुने जिरी नगरपालिका–१ ले ५० हजार रुपैयाँ पुरस्कार प्राप्त गरेका छन् । असोज २७ गते आयोजित प्रतियोगिताको उद्घाटन समारोहमा बागमती प्रदेश सरकारका पूर्व आर्थिक मामिला तथा योजनामन्त्री कुन्दनराज काफ्ले प्रमुख अतिथिका रूपमा उपस्थित भएका थिए । त्यसैगरी, असोज ३१ गते सम्पन्न समापन समारोहमा दोलखा खेलकुद व...