Breaking News 2

काठमाडौं / नेपाली कांग्रेसका महामन्त्री विश्वप्रकाश शर्माले पार्टीको कार्यालय भवन राजनीतिक दलहरुले आफैँले नै बनाउनुपर्ने बताएका छन् । नेकपा एमालेको पार्टी कार्यालय निर्माणका लागि व्यवसायी मिनबहादुर गुरुङले गरेको सहयोगको विरोध उनले गरेका छन् । महामन्त्री शर्माले एक अर्ब रुपैयाँ भन्दा बढी मुद्रा पर्ने जग्गा खरिद गर्ने र भवनसमेत बनाइदिने घोषणा गरिएको विषय चर्चा र विवादमा रहेको भन्दै यसको जवाफ नेकपा एमालेले दिनुपर्ने बताए । उनले व्यवसायीहरुले राजनीतिक दलहरुलाई सानो सहयोग गर्ने कुरा राम्रो भएपनि एक अर्ब भन्दा बढीको सहयोगले गम्भीर आशंका पैदा गरेको उल्लेख गरे ।...

हेटौँडा / मकवानपुरको ईन्द्रसरोवर गाउँपालिकालाई हेटौँडा उपमहानगरपालिकाले ५ लाख रुपैयाँ प्रदान गर्ने निर्णय गरेको छ । बाढी पहिराले प्रभावित पारेका ईन्द्रसरोवर गाउँपालिकाको पुनर्निर्माणका लागि उपमहानगरपालिकाले ५ लाख रुपैयाँ प्रदान गर्ने भएको हो । यसै गरी असोज १२ गते सस्नेरीमा पहिरोमा परी ज्यान गुमाएका हेटौंडा १२ का अनुपम घलानको परिवारलाई पनि १ लाख रुपैयाँ प्रदान गर्ने निर्णय गरेको छ । उक्त निर्णय आइतबार उपमहानगरपालिकाको ५४ औं कार्यपालिका बैठकले गरेको हो ।...

काठमाडौँ / सर्वोच्च अदालतको प्रधानन्यायाधीशमा प्रकाशमानसिंह राउत नियुक्त भएका छन् । राष्ट्रपति रामचन्द्र पौडेलले आइतबार राउतलाई प्रधानन्यायाधीशमा नियुक्त गरेका हुन् । नवनियुक्त प्रधानन्यायाधीश राउतको शपथ आजै दिउँसो साढे १ बजे हुँदैछ । यसअघि असोज १६ गते राउतको नाम संसदीय सुनुवाइ समितिबाट सर्वसम्मतले अनुमोदित भएको थियो । प्रधानन्यायाधीश विश्वम्भरप्रसाद श्रेष्ठ असोज १९ मा अनिवार्य अवकाश गएपछि राउतले न्यायालयको नेतृत्व सम्हाल्ने जिम्मा पाएका हुन् ।...

हेटौंडा / चलचित्र ग्याल्बो राजा हेटौंडामा आजदेखी तीन दिन विशेष शो सुरु भएको छ । कालीदेवी मिडिया हाउस प्रा.लिको व्यानरमा निर्माण भएको तामाङ भाषा र नेपाली भाषाको चलचित्र आज बिहीबार बाट ओम म्याक्स हलमा सुरु भएको हो । चलचित्र अधिकांश मकवानपुर र काठमाडौंमा नै छायाङ्कन भएको र कलाकार पनि मकवानपुरकै रहेका कारण हेटौँडामा विशेष शो गरिएको हो । चलचित्रमा गाउँमा तामाङ र दलित जातिको प्रेमकथामा आधारित विषयवस्तु समेटिएको छ । यसै गरी चलचित्रमा अर्जुन गुरुङ, विनायक तामाङ, सङ्गीता तितुङ, मायादेवी मोक्तान, सञ्चवीर लो, किशोर श्रेष्ठ, मेम्बर लो, ऋतु तामाङ, रोजिना तामाङ, मनिका सिङ्तान, सञ्जय रुम्बा लगायतको अभिनय रहेको छ । चलचित्र ग्याल्बो राजा १८ गते नेपाली भाषामा र १९ गते तामाङ भाषामा प्रदर्शन हुने छन् । चलचित्र आगामी कार्तिक ९ गते देशभर प्रदर्शन हुने छन् । चलचित्र पार्ट २ पनि निर्माण गरिने जनाएको छ ।...

काठमाडौं / सत्तारढ नेकपा एमालेले राहत तथा उद्धार कोषमा ५० लाख उपलब्ध गराउने भएको छ । मंगलबार बसेको एमाले सचिवालय बैठकले प्रतिनिधिसभा र प्रदेश सभा सदस्यहरुलाई समेत राहत कोषमा सहयोग गर्न अनुरोध गर्ने निर्णय गरेको छ । बैठकले पार्टीको नियमित काम रोकेर राहत र उद्धारमा परिचालित हुनसमेत पार्टी पङ्तिलाई निर्देश गरेको महासचिव शंकर पोखरेलले जानकारी दिए । बैठकले बाढी तथा पहिरोमा परेर मृत्यु भएकाहरुको परिवार र घाइतेहरुको अभिभावकका रुपमा राज्य प्रस्स्तुत हुनुपर्नेमा जोड दिएको छ । अनलाईन खबरबाट...

काठमाडौँ / पृथ्वी राजमार्गअन्तर्गत धादिङको झ्याप्लेखोलामा ३ वटा गाडी पुरिँदा अहिलेसम्म ३५ जनाको मृत्यु भएको पुष्टि भएको छ । सशस्त्र प्रहरी बल, नेपालका अनुसार उक्त पहिरो एउटा बस र दुइटा माइक्रोबस पुरिएको अवस्थामा भेटिएका हुन् । चितवनबाट काठमाडौंका लागि आएको माइक्रोबस पनि आइतबार बिहान पुरिएको अवस्थामा भेटिएको छ । उक्त माइक्रो बसबाट १३ जनाको शव निकालिएको सशस्त्र प्रहरी बल, नेपालले जनाएको छ । सशस्त्र प्रहरी बल, नेपालका सह(प्रवक्ता डीएसपी शैलेन्द्र थापाका अनुसार चितवनबाट काठमाडौं आउँदै गरेको बा ३ ज १३४५ नम्बरको माइक्रो बस पहिरोमा पुरिएको हो । डीएसपी थापाका अनुसार उक्त माइक्रो बसबाट ४ महिला र ९ पुरुषको शव निकालिएको छ । पहिरोमा अन्य गाडीहरू पनि पुरिएको आशंकामा खोजी कार्य जारी रहेको उनले बताए । त्यही पहिरोमा गोरखाबाट काठमाडौं आउँदै गरेको ना ४ ख २२७० नम्बरको यात्रुवाहक बस पनि पहिरोमा पुरिएको अवस...

हेटौँडा/ हेटौंडा उपमहानगरपालिका वडा नम्बर ६ स्थित गौरीटार रंगशालामा मकवानपुर जिल्ला लिग फुटबल प्रतियोगितामा सोमबार भएको र गोर्खा ब्वाइज क्लब र न्यू डाँफे युथ क्लबबीचको खेल १–१ गोलको बराबरीमा सकिएको छ । मकवानपुर जिल्ला फुटबल संघद्धारा आयाजित जारी प्रतियोगितामा आज सोमबार भएको पहिलो न्यू डाँफे र गोर्खा ब्वाइजको खेल बराबरीमा रोकिँदा दोस्रो खेलमा न्यू कम्बाइन एफसी २–० गोलअन्तरले मल्टिभिजनलाई हराउँदै विजयी भएको हो । न्यू डाँफे युथ क्लबका सुशान्त तामाङ र गोर्खा ब्वाइजका मनोज घलानले पहिलो खेलमो गोल गरेका थिए । म्यान अफ द म्याच भने गम्भीर थिङ घोषित भएका छन् । यस्तै गरीे सिमलटार खेलमैदानमा आजै भएको सानोपोखरा क्लब र हटिया स्पोर्टसक्लबबीच भएको पहिलो खेलमा सानोपोखरालाई १–० गोलअन्तरले हराउँदै हटिया स्पोर्टस् विजयी भएको छ । हटिया क्लबका साजन मोक्तानले निर्णायक गोल गर्दै म्यान अफ द म्याच घोषित भएका हुन् ...

हेटौँडा / श्रीकृष्ण प्रमाणी युवा परिषद्को अध्यक्षमा प्रमोद वाग्लेले उम्मेदवारी दिनुभएको छ । वाग्ले केन्द्रीय उपाध्यक्ष समेत रहेका छन् । श्रीकृष्ण प्रमाणी युवा परिषद् मकवानपुरको बैठकले असोज ३ र ४ गते काठमाडौंमा हुने १४ औं केन्द्रीय महाधिवेशनको अध्यक्ष पदका लागि वाग्लेको उम्मेदवारीको घोषणा गरिएको हो । यस्तै बैठकमा श्रीकृष्ण प्रमाणी युवा परिषद् बागमती प्रदेशमा निर्वाचित उपाध्यक्ष शिवप्रसाद खतिवडा, सदस्यहरु नवीन तिवारी, ज्ञानदास खतिवडा, भृगु कार्कीलाई स्वागत तथा सम्मान गरिएको छ । केन्द्रीय महाधिवेशनका लागि २३ प्रतिनिधि छनोट समेत गरिएको छ । श्रीकृष्ण प्रमाणी युवा परिषद् मकवानपुरका अध्यक्ष सुजन तिमल्सिनाको अध्यक्षतामा बैठक बसेको हो ।...

हेटौंडा/ नेपाली कांग्रेसका महामन्त्री विश्व प्रकाश शर्मा हेटौंडा आउने भएको छ । भदौ ३० गते  हुन गईरहेको विभागिय अन्तरक्रिया कार्यक्रमलाई सम्बोधन गर्न महामन्त्री शर्मा हेटौंडा आउने भएको हो ।  मकवानपुरको १० वटै स्थानीय तहका जनप्रतिनिधिहरु संगको अन्तर संवाद कार्यक्रममा प्रमुख अतिथिको रुपमा महामन्त्री शर्मा हेटौंडा आउन लागिएको नेपालि कांग्रेस मकवानपुरका सभापति बुद्ध लामाले जानकारी दिए । जनप्रतिनिले के कसरी काम गर्ने र मार्ग निर्देशनबारे छलफल हुनुका साथै जनप्रतिनिधिको अवस्था र २०७९ वैशाखमा सम्पन्न निर्वाचनको समिक्षा बारे अन्तर संवाद कार्यक्रम आयोजना गर्न लागिएको सभापति लामाले बताएका छन् । कार्यक्रममा मकवानपुरका स्थानीय तहका अनुमानित  २०० जनप्रतिनिधहरुको उपस्थित रहने जनाएको छ । ...

काठमाडौँ । प्रधानमन्त्री केपी शर्मा ओलीले अमेरिका जानुअघि संसदमा सम्बोधन गर्ने भएका छन् । संयुक्त राष्ट्रसङ्घीय महासभामा भाग लिन अमेरिका जानुअघि प्रधानमन्त्रीले प्रतिनिधिसभा बैठकमा सम्बोधन गर्न लागेको एमालेका मुख्य सचेतक महेश बर्तौलाले जानकारी दिए । सम्बोधनमा ओलीले राष्ट्रसंघमा उठाउने विषय र समसामयीक राजनीतिका बारेमा उल्लेख गर्ने प्रमुख सचेतक बर्तौलाले जानकारी दिए । उनका अनुसार भदौ ३१ गते बस्ने प्रतिनिधिसभा बैठकमा प्रधानमन्त्रीले सम्बोधन गर्नेछन् । प्रधानमन्त्री असोज ४ गते अमेरिका प्रस्थान गर्ने कार्यक्रम छ । प्रधानमन्त्रीको भ्रमण कार्यक्रम मन्त्रिपरिषदबाट स्वीकृत भइसकेको छ । प्रधानमन्त्रीको टोलीमा परराष्ट्रमन्त्री आरजु देउवा राणा, पत्नी राधिका शाक्य, प्रधानमन्त्रीका प्रमुख सल्लाहकार विष्णु रिमाल, परराष्ट्रसचिव सेवा लम्साललगायत सहभागी हुनेछन् ।...