दक्षिण कोरियामा ‘मनसरा’ प्रदर्शन, दर्शक भन्छन् ‘मज्जा आयो’
शुभराज भोम्जन
दक्षिण कोरिया । उपेन्द्र सुब्बाको लेखन तथा निर्देशनमा बनेको नेपाली कथानक चलचित्र 'मनसरा' दक्षिण कोरियामा एक्कैसाथ तिन स्थानमा प्रदर्शन भएको छ । किरात याक्थुङ चुम्लुङ दक्षिण कोरियाको आयोजनामा सिरिजंगा लिपिको युनिकोड निर्माण सहयोगार्थ चलचित्रको प्रदर्शन गरिएको हो ।
दक्षिण कोरियाको लागि प्रदर्शनी अधिकार किरात याक्थुङ चुम्लुङ दक्षिण कोरियाले पाएको मनसराको आइतबार सौल, किम्हे र जिन्जुमा एक्कैसाथ प्रदर्शन गरिएको हो । आइतबार मौसम खराबीका कारण पानी परेता पनि सौल लगायतका सबै शोहरु हाउसफुल भएको छ । चलचित्रको विषयमा दर्शकको प्रतिकृया लिदा चलचित्र उत्कृष्ट कथाबस्तुमा बनेको र हेर्दा मज्जा आएको प्रतिकृया दिएका छन् ।
दयाहाङ राई, मिरुना मगर, प्रबिन खतिवडा, मेनुका प्रधान लगायतका कलाकारहरुको मुख्य अभिनय रहेको उक्त चलचित्रलाई शैलेन्द्र खनालले छायाँकन गरेका छन् । दक्षिण कोरियमा मनसरा जेजु, सुवन...
