Breaking news 3

काठमाडौं / प्रधानमन्त्री पुष्पकमल दाहालले जेठ ७ गते सोमबार विश्वासको मत लिने भएको छ । चौथो पटक विश्वासको मत लिनेबारे उनले सभामुख देवराज घिमिरेलाई बिहीबार साँझ जानकारी गराएको सभामुखका प्रेस सल्लाहकार शेखर अधिकारीले बताए । जनता समाजवादी पार्टी नेपाल सरकारबाट बाहिरिएर समर्थन फिर्ता लिएपछि प्रधानमन्त्री दाहालले विश्वासको मत लिन लागेको हो । सत्ता साझेदार दलले समर्थन फिर्ता लिएको अवस्थामा ३० दिनभित्र विश्वासको मत लिनुपर्ने संवैधानिक प्रावधान रहेको छ ।...

विराटनगर / नेकपा एमालेले कोशी प्रदेश सरकारमा पठाउने ३ जना मन्त्रीको नाम टुंगो लगाएको छ । एमाले स्रोतका अनुसार एमालेबाट लिलावल्लभ अधिकारी, पाँचकर्ण राई र एकराज कार्कीको नाम टुंगोमा पुगेको छ । ‘अहिलेसम्म ३ जनाको नाम फाइनल जस्तै छ तर निर्णय भएको छैन’, एमाले संसदीय दल स्रोतले भन्यो, ‘सम्भवत आज उहाँहरु ३ जना जानुहुन्छ, माथिबाट ।’ एमालेले अन्य दुई जनालाई राज्यमन्त्री पनि नियुक्त गर्नेछ । हिक्मतकुमार कार्की नेतृत्वको सरकारमा एमालेबाट राम राना बिनाविभागीय मन्त्री छन् । ९ मन्त्रालय रहेको कोशीमा एमालेले मुख्यमन्त्रीसहित ५ र माओवादी केन्द्रले ३ मन्त्रालय लिने सहमति गरिसकेका छन् । २ दलबाट एक–एक जना बिनाविभागीय मन्त्री छन् । एमालेले अब ३ र माओवादी केन्द्रले २ मन्त्री पठाउन बाँकी छ।...

दक्षिण कोरिया । किरातीहरुको पर्व यलेदेङ ५०८४ उभौली चाड साकेला दक्षिण कोरियामा फरक/फरक मितिमा बिभिन्न स्थानमा मनाउने भएको छ । किरात राई यायोक्खा दक्षिण कोरिया केन्द्रिय कार्यसमितिको आयोजनामा जुन १६ को दिन सुवनको खुल्ला चौरमा यलेदेङ ५०८४ उभौली चाड साकेला मनाउने भएको छ । त्यसैगरी बिभिन्न क्षेत्रीय कार्यसमितिहरुको आयोजनामा गजेदोमा मे २६, जेजुदोमा जुन २, बुसानमा जुन ९ र इक्सानमा जुन ९ तारिखको दिन मनाउने भएको छ । विगतको वर्षहरुमाझै यसवर्ष पनि विविध कार्यक्रमको आयोजना गर्दै उभौली चाड साकेला मनाउन लागिएको हो । कार्यक्रममा नेपालदेखि कलाकार नल्याएता पनि स्थानिय कलाकार र किरातीहरुको साँस्कृतिक पक्षहरुलाई प्रस्तुत गर्दै भव्यताका साथ मनाउने तयारी रहेको किरात राई यायोक्खा दक्षिण कोरियाका अध्यक्ष पुरन याम्फु राईले बताएका छन् । कार्यक्रममा किरात राईहरुको मौलिक सिली नाचको साथमा मौलिक परिकारहरुको पनि स्वाद...

काठमाडौं / प्रमुख प्रतिपक्षी दल नेपाली कांग्रेसले प्रतिनिधि सभाको बैठक पनि अवरोध गरेको छ ।मंगलबार साँझ ६ बजे बसेको प्रतिनिधि सभाको बैठक कांग्रेसले अवरोध गरेको हो । कांग्रेस सांसदहरू सहकारी प्रकरणमा उपप्रधान तथा गृहमन्त्री रवि लामिछाने जोडिएको भन्दै संसदीय छानबिन समिति गठनको माग गरेका छन् । राष्ट्रपतिलाई धन्यवाद दिन राष्ट्रिय सभा बैठक बसेको उक्त बैठक कांग्रेसले अवरोध गरेको छ । कांग्रेसको अवरोधपछि प्रतिनिधि सभा सभामुख देवराज घिमिरेले बैठक ३ गते बिहीबार बिहान ११ बजेसम्मका लागि स्थगित गर्नुभएको हो ।...

सङ्खुवासभा / सङ्खुवासभामा रहेको विश्वको पाँचौँ अग्लो मकालु हिमाल आरोहण गरी फर्किने क्रममा एक पर्वतारोहीको मृत्यु भएको छ । आरोहण गरी फर्किने क्रममा पर्वतारोही सोलुखुम्बु जिल्ला महाकुलुङ गाउँपालिका(४ का ५४ वर्षीय ल्हाक्पा तेञ्जी शेर्पाको मृत्यु भएको जिल्ला प्रहरी कार्यालय सङ्खुवासभाका प्रहरी निरीक्षक अशोक जबेगुले जानकारी दिए । मकालु हिमाल आरोहण गरी फर्कने क्रममा मकालु गाउँपालिका(२ र ३ को सिमानामा बेपत्ता भएका शेर्पाको शव शुक्रबार दिउँसो मकालु आधार शिविरमा फेला परेको प्रहरी निरीक्षक जबेगुले बताए । घटनास्थलबाट शेर्पाको शव मुचुल्कापश्चात् सोलुखुम्बु लगिएको उनको भनाइ छ । यातायात र सञ्चार सेवा नभएका कारण मकालुक्षेत्र भौगोलिकरुपमा विकट मानिन्छ ।...

काठमाडौं / गृह तथा उपप्रधानमन्त्री रवि लामिछानेले सरकारी ठगीमा मुछिएका जीबी राईलाई यसअघिको सरकारले भगाएको आरोप लगाएका छन् । चितवनमा आज बिहान पत्रकारसँग कुरा गर्दै गृहमन्त्री लामिछानेले भगाएको मान्छेलाई खोज्न समय लाग्ने प्रतिक्रिया दिएका हुन् । गृहमन्त्री लामिछानेले जीबी राईका सन्दर्भमा केही प्रक्रिया पूरा गर्नुपर्ने बाध्यता भएकोले समय लागेको बताए । बुटवलको सुप्रिम बचत तथा ऋण सहकारी र पोखराको सूर्यदर्शन सहकारीको रकम हिनामिनामा जीबी राई मुछिएका छन् ।...

दक्षिण कोरिया । सामाजिक कथा बस्तुमा बनेको नेपाली कथानक चलचित्र पुजार सार्कीको किम्हे बुशान शो मे २६ तारिखमा हुने भएको छ । नेपालका तिन स्टार कलाकारहरु आर्यन सिग्देल, प्रदिप खड्का र पल शाहद्धारा अभिनय गरेको उक्त चलचित्रको किम्हे-शो सल्याणी समाज दक्षिण कोरिया र कालिकोट समाज दक्षिण कोरियाको सयुक्त आयोजनामा हुन लागेको हो । कर्णाली प्रदेश समाज दक्षिण कोेरियाको सहजिकरणमा आपतकालिन् राहत कोष निर्माण सहयोगार्थ चलचित्रको प्रदर्शन गर्न लागिएको हो । किम्हे स्थित काया विश्वविद्यालयको हलमा प्रदर्शन गर्न लागिएको उक्त चलचित्र हेर्न आइदिनको लागि आयोजकहरुको तर्फबाट विशेष आग्रह समेत गरेका छन् । बिकास सुबेदीको लेखन र निदेश राउतको निर्देशनमा तयार भएको उक्त चलचित्र जेठ १० गते बुद्ध जयन्तिको दिन देखि नेपाल तथा विदेशमा एक्कैसाथ प्रदर्शनीको तयारीमा रहेको छ । पुजार सार्कीको दक्षिण कोरियाभर प्रदर्शनीको अधिकार भने सु...

काठमाडौँ / नेपालबाट १० जना युवा युवतीलाई ‘अमेरिका पठाउँछौँ’ भनेर केन्यामा लगेर बन्धक बनाएर ठगेको आरोपमा प्रहरीले ३ जनालाई पक्राउ गरेको छ । उनीहरुले अवैध बाटोबाट अमेरिका र क्यानडा पठाउँछौँ भनेर पीडितहरूलाई केन्याको नैरोबीमा पुर्‍याएका हुन् । पक्राउ पर्नेमा सिन्धुपाल्चोकको सिदुर्चे गाउँपालिका–२ घर भएर गोकर्णेश्वर बस्ने ४३ वर्षीय ङिमवटी शेर्पा, १९ वर्षीय निमा शेर्पा र भोटेकोसी गाउँपालिका–२ घर भएर बुढानीलकण्ठ बस्ने ४७ वर्षका टासी शेर्पा छन् ।  ...

काठमाडौँ / दक्षिण कोरियाले रोजगार अनुमति प्रणाली (ईपीएस) अन्तर्गत वन्यजन्तु क्षेत्रमा पनि नेपाली श्रमिक लैजाने भएको छ ।   वन्यजन्तु क्षेत्रमा पनि नेपाली कामदारलाई यो वर्षको अन्त्यमा लैजाने गरी गृहकार्य भइरहेको नेपालका लागि दक्षिण कोरियाका राजदूत पार्क थेयङले बताए । नेपाली श्रमिकहरूले दक्षिण कोरियाको अर्थतन्त्रका लागि योगदान गरिरहेका छन्,’ दक्षिण कोरियाली दूतावासले बुधबार आयोजना गरेको पत्रकार सम्मेलनमा राजदूत पार्कले भने, ‘नेपालबाट अहिलेसम्म ईपीएसअन्तर्गत उत्पादनमूलक, कृषि, सेवामूलक र शिक्षा क्षेत्रमा कामदार कोरिया गएका छन् ।’ दूतावासका अनुसार हालसम्म एक लाखभन्दा बढी नेपाली कोरियामा काम गरेर फर्किसकेका छन् । हाल ४४ हजार नेपाली कोरियामा कार्यरत रहेको दूतावासले जनाएको छ ।...

काठमाडौं / गण्डकीमा मुख्यमन्त्री खगराज अधिकारीले ३० सांसदकै समर्थनमा विश्वासको मत पाएको भनी गरेको घोषणाविरुद्ध नेपाली कांग्रेसले सर्वोच्च अदालतमा रिट दिएको छ । कांग्रेसको गण्डकी प्रदेशसभा संसदीय दलका नेता सुरेन्द्रराज पाण्डेले मुख्यमन्त्री अधिकारीले विश्वासको मत नै नपाएको अवस्थामा कपटपूर्ण ढंगले विश्वासको मत पाएको भनी घोषणा गरेको भन्दै त्यसलाई बदर गर्न माग गरेका छन् । उनले संविधानको धारा १६८ (२) अनुसार नियुक्त मुख्यमन्त्री अधिकारीले विश्वासको मत नपाई स्वतः पदमुक्त भएको भन्दै प्रदेशसभाको ठूलो दलको नेताको हैसियतमा आफूलाई मुख्यमन्त्री नियुक्त गर्न परमादेश माग गरेका छन् ।...