प्रमुख समाचार

काठमाडौं / निर्वाचन आयोगले यही मङ्सिर १६ गते हुने स्थानीय तहको उपनिर्वाचनका लागि मतदान स्थल उपलब्ध गराइदिन निर्देशन दिएको छ । आयोगले मंसिर १३ देखि १६ गते मतदान सम्पन्न नभएसम्म मतदान स्थलको रूपमा कायम भएका स्थान उपलब्ध गराइदिन आग्रह गरेको हो । आयोगले मतदान स्थल कायम भएका सामुदायिक विद्यालय, निजी विद्यालय, वडा कार्यालय, स्वास्थ्य संस्था, सामुदायिक भवन, औद्योगिक प्रतिष्ठान, सार्वजनिक स्थल निर्वाचन प्रयोजनका लागि उपयोग गर्ने व्यवस्था मिलाउन संघीय मामिला तथा सामान्य प्रशासन मन्त्रालय मार्फत उपनिर्वाचन हुने सबै स्थानीय तहलाई निर्देशन दिएको हो । आयोगको आइतबारको बैठकले स्थानीय तहको उपनिर्वाचनलाई स्वच्छ, स्वतन्त्र, निष्पक्ष, विश्वसनीय र मितव्ययी रूपमा सम्पन्न गर्न, गराउन तथा स्थानीय तहमा मतदानस्थल उपयोग गर्ने, सार्वजनिक बिदा दिन समेत भनेको छ । उपनिर्वाचन हुने स्थानीय तहमा सम्बन्धित स्थानीय तहभर ...

काठमाण्डौ / रास्वपाका सभापति तथा पूर्वगृहमन्त्री रवि लामिछानेविरुद्ध सहकारीको रकम ठगी र संगठित अपराधको कसुरमा अनुसन्धान गर्न चितवनमा पनि पक्राउ पुर्जी जारी भएको छ ।   गोर्खा मिडिया नेटवर्कका पूर्वप्रबन्ध निर्देशक लामिछाने, पूर्वउपाध्यक्ष पूर्वडीआईजी छविलाल जोशीसहित १० जनाविरुद्ध अनुसन्धान गर्न चितवन जिल्ला अदालतले शुक्रबार प्रहरीलाई अनुमति दिएको हो । साहारा चितवन सहकारीका २४ बचतकर्ताले चितवन–२ का सांसदसमेत रहेका लामिछानेलगायत विरुद्ध बुधबार प्रहरीमा पूरक जाहेरी दिएका थिए । जाहेरीबमोजिम अनुसन्धान गर्न जिल्ला अदालतबाट अनुमति लिइएको जिल्ला प्रहरी कार्यालयका इन्स्पेक्टर लक्ष्मण केसीले बताए । चितवन प्रहरीका अनुसार लामिछाने र जोशीसँगै जीबी ग्रुप अफ कम्पनीका सञ्चालकहरू विशाल तामाङ, नवीन अछामी, रविना रिमाल र असरफ अली सिद्दिकी, नेचर नेस्ट प्रालिका सञ्चालक दीपक लामा, स्प्रिङउड रियलस्ट...

काठमाडौँ / मंसिर १६ गते हुने स्थानीय तह उपनिर्वाचनमा मनोनयन गरेका मध्ये ३१ जनाले उम्मेदवारी फिर्ता लिएका छन् ।बुधबार राति आयोगले निकालेको विज्ञप्ति अनुसार ३१ जनाले आफ्नो उम्मेदवारी फिर्ता लिएका हुन् । यस्तै आयोगका अनुसार जिल्ला समन्वय समति प्रमुख, नगरपालिका प्रमुख, उपप्रमुख, वडा अध्यक्ष तथा गाउँपालिका अध्यक्ष, उपाध्यक्ष तथा वडा अध्यक्षका ४४ वटा रिक्त पदमा विभिन्न राजनीतिक दलबाट २८९ जना र १२१ जना स्वतन्त्र गरी ४१० जनाले उम्मेदवारी दिएका थिए । यसका साथै निर्वाचन हुने तीन स्थानमा ३ जना निर्विरोध निर्वाचित भएको आयोगले जनाएको छ । आयोगका अनुसार ओखलढुंगा र कैलाली जिल्लाको जिल्ला समन्वय समिति प्रमुखमा क्रमशः नेपाली काँग्रेसका उम्मेदवार टेकराज भट्टराई र टीका कुमारी चौधरी (भुल) निर्विरोध निर्वाचित भएका हुन् । यस्तै रुकुम (पूर्वी भाग) को पुथा उत्तरगंगा गाउँपालिका वडा नम्बर २ को वडा अध्यक्षमा नेपाल...

हेटौंडा/ बागमती प्रदेशमा पहिलो पटक दुई वटा पोल्ट्री फार्मलाई कारबाहीसहित जरिवाना तिराइएको छ । प्रदेशको कृषि तथा पशुपन्छी विकास मन्त्रालयले प्रारम्भिक वातावरणीय परीक्षण प्रतिवेदन स्वीकृत अगावै कानुनविपरीत फार्म सञ्चालनमा ल्याइएकोले ५ लाख रुपैयाँ जरिवाना तिराएको हो । कारबाही पर्नेमा भक्तपुरको सुर्यविनायक नगरपालिका–८, स्थित जि.जे पोल्ट्री प्रालि र काभ्रेको पनौती नगरपालिका–६ मा रहेको सफल कृषक ह्याचरी एण्ड ब्रिडिङ फार्म प्रालि रहेका छन् । कृषि मन्त्रालय मातहतको वातावरणीय अध्ययन प्रतिवेदनको जाँचबुझ गरि दाय प्रदान गर्न गठित समितिको सिफारिसमा प्रदेशकै वन तथा वातावरण मन्त्रालयले जरिवाना गराउने निर्णय गरेको हो । समितिले पोल्ट्री फर्मको अनुगमनमा कानुनविपरीत सञ्चालनमा आएको देखिएपछि कारबाहीका लागि कृषि मन्त्रालय हुँदै वन मन्त्रालयमा सिफारिस गरेको थियो । गत १७ भदौमा जिजे पोल्ट्री प्रालिलाई ५ लाख ५ हज...

काठमाडौँ / मंसिर १६ गते हुने उपनिर्वाचनका उम्मेदवारविरुद्ध दुई वटा मात्र उजुरी परेको छ । आज ती उजुरीमाथि जाँचबुझ गरी निर्णय गर्ने र उम्मेदवारहरुको अन्तिम नामावली प्रकाशन गर्ने कार्यतालिका रहेको छ । उपनिर्वाचनका लागि मंसिर २ गते उम्मेदवारी दर्ता भएको थियो । ३३ जिल्लाका ४४ पदमा हुने उपनिर्वाचनका लागि ४१० जनाको उम्मेदवारी दर्ता भएको थियो । कुनै उम्मेदवारविरुद्ध उजुरी भए आइतबार बिहान १० बजेदेखि ३ बजेसम्म उजुरी दिने समय तोकिएको थियो । तर रुकुमपश्चिमको सानीभेरी गाउँपालिका वडा नम्बर ५ मा मात्र दुईवटा उजुरी परेको निर्वाचन आयोगले जनाएको छ । आयोगका अनुसार त्यहाँ नेपाली कांग्रेसका उम्मेदवार मोतीराज खत्री र नेकपा माओवादी केन्द्रका उम्मेदवार जसिराम बस्नेतविरुद्ध मात्र उजुरी परेको छ । कांग्रेस उम्मेदवार खत्रीमाथि शिक्षक भएको भन्दै र माओवादी उम्मेदवार बस्नेत व्यवसायी भएको भन्दै उजुरी परेको आयोगले जनाए...

दक्षिण कोरिया । कोरियनहरुको दोश्रो ठुलो पर्व सलनालको अवसरमा ठुलो सांगीतिक कार्यक्रम गर्ने अनुमती कास्की परिवार दक्षिण कोरिया र खोटाङ सेवा समाज दक्षिण कोरियाले पाएको छ । आइतबार एनसीसी दक्षिण कोरियाले आयोजना गरेको सहजिकरण कार्यक्रम मार्फत उक्त दुईवटा संस्थाहरुले कार्यक्रम गर्ने अनुमती पाएको हो । सौलको दोङदेमुन स्थित रहेको पूर्वि नेपाल समाजको सभाहलमा भएको उक्त कार्यक्रमबाट आउदो जनवरी २८ मा कास्कि परिवारले कार्यक्रम गर्ने र जनवरी २९ को दिनमा खोटाङ सेवा समाजले कार्यक्रम आयोजना गर्ने भद्र सहमति भएको हो । आउदो सलनालमा यि दुई ठुला कार्यक्रमहरु बाहेक थुप्रै रात्रिकालिन कार्यक्रमहरु पनि आयोजना हुने भएको छ । कास्कि परिवारले गण्डकी प्रदेश समाज अन्तर्गत रहेर कार्यक्रम गर्नेछ भने खोटाङ सेवा समाजले पूर्वि नेपाल समाज अन्तर्गत रहेर कार्यक्रम आयोजना गर्नेछ । उक्त सहजिकरण कार्यक्रममा थुप्रै अगुवाहरुको सह...

दक्षिण कोरिया । नेपाल तामाङ घेदुङ दक्षिण कोरियाको वार्षिक साधारण सभा आइतबार सम्पन्न भएको छ । कोषाध्यक्ष पासाङ बोम्जनले प्रस्तुत गरेको आर्थिक प्रतिवेदन र महासचिव दावाफिञ्जो योञ्जनले प्रस्तुत गरेको सांगठानिक प्रतिवेदनलाई पास गर्दै सभा सम्पन्न गरिएको हो । आइतबार सौलको दोङदेमुन स्थित निक ट्राभलको सभाहलमा भएको सभामा संस्थाका अध्यक्ष राज कुमार स्याङतानको अध्यक्षता रहनुका साथै नेपाली राजदूतावास दक्षिण कोरियाका द्धित्तिय सचिव सुर्य थापाको प्रमुख आतिथ्यता रहेको थियो । त्यसैगरी कार्यक्रममा नेपाल आदिवासी जनजाती महासंघ दक्षिण कोरियाको अध्यक्ष विशन राईको विशिष्ट आतिथ्यता रहनुका साथै दक्षिण कारियामा कृयाशिल बिभिन्न जातिय, क्षेत्रीय, प्रादेशिक र राजनीतिक संगठनहरुको प्रमुख तथा प्रतिनिधिहरुको विशेष आतिथ्यता रहेको थियो । कार्यक्रममा दक्षिण कोरियामा रहेका तामाङ अगुवाहरुको बाक्लो सहभागिता रहेको थियो । स...

काठमाडौँ / यही मङ्सिर १६ गते हुने स्थानीय तह उपनिर्वाचनका लागि आज मनोनयनपत्र दर्ता हुँदै छ । बिहान १० देखि अपराह्न ५ बजेसम्म सम्बन्धित स्थानीय तहमा स्थापना भएका निर्वाचन अधिकृतको कार्यालयमा उम्मेदवारको मनोनयन दर्ता हुने निर्वाचन आयोगका सहसचिव एवं प्रवक्ता निता पोखरेल अर्यालले जानकारी दिइन् । उम्मेदवारको मनोनयन दर्ताको सम्पूर्ण तयारी पूरा भएको र आजै साँझ ५ देखि ६ बजेसम्म उम्मेदवारको सूची प्रकाशन हुने आयोगले जनाएको छ । उपनिर्वाचनका लागि शुक्रबार ३८ वटा निर्वाचन अधिकृतका कार्यालय स्थापना भएका छन् । उपनिर्वाचन हुने स्थानीय तहमा ३२ वटा मुख्य निर्वाचन अधिकृतका कार्यालय र छवटा निर्वाचन अधिकृतका कार्यालय स्थापना गरिएका निर्वाचन आयोगले जनाएको छ । मङ्सिर ३ गते बिहान १० देखि अपराह्न ३ बजेसम्म उम्मेदवारको विरोधमा उजुरी दिने, सोही दिन अपराह्न ३ बजेपछि मनोनयनपत्र र उजुरीमाथि जाँचबुझ एवं निर्णय गरी ...

मकवानपुर, हेटौंडा/ हरिबोधनी एकादशी वर्षमा पर्ने चौबीस वटा एकादशी मध्ये सबैभन्दा ठूलो एवं महत्त्वपूर्ण एकादशी हो । यसलाई ठूलो एकादशी पनि भनिन्छ । हिन्दू धर्ममा एकादशीलाई भगवान् विष्णुको उपासना गर्ने पर्वको रूपमा लिने गरेका छन् । भविष्योत्तर पुराणमा अन्य एकादशीमा भन्दा आज गरिने भगवान् विष्णुको उपासना बढी फलदायी हुने कुराको उल्लेख गरिएको छ । मकवानपुर गढी गाउँपालिका वडा नमबर २ मा अवस्थित एतिहासिक मकवानपुर गढी दरबार परिसरमा कार्तिक २७ गते मंगलबार हरिबोधनी एकादशी बिशेष मेला हुदंै छ । हरेक बर्ष यस दरबार परिसरमा हरिबोधनी एकादशीको अवसर पारेर मेला हुदैं आएको छ । भगवान कृष्ण को र महादेंव को मन्दिर अवस्थित रहेकाले छिमेकीे जिल्ला र भारतको बिहार सम्मका श्रद्धालुहरु दर्शन गर्न आउने गरेको २ नम्बर वडाका वडा अध्यक्ष्य बखान सिङ पाख्रिनले बताए । मेलामा विभिन्न खाले मादले नाच , जुहारी जस्ता गतिविधि हुने उनल...

दक्षिण कोरिया । गुरुङहरुको साझा संगठन तमू धीं दक्षिण कोरियाको रजत जयन्ती समापन समारोह भव्यताका साथ सम्पन्न भएको छ । तमू धीं दक्षिण कोरियाले आफ्नो स्थापनाको २५ औँ वर्ष पुरा गरेको उपलक्ष्यमा गत अगस्ट ३ र ४ तारिखमा भव्य रुपमा रजत जयन्ती समारोहको आयोजना गरिएको थियो । सोही समारोहको समापन हिजो आइतबार सौल स्थित दोङम्योको एक सभाहलमा भव्य कार्यक्रमको आयोजना गर्दै समापन गरिएको हो । समापन समारोहमा नेपाल देखि अन्तराष्ट्रिय तमु परिषदको संस्थापक अध्यक्ष एवम् कुशल वक्ता रेशम गुरुङलाई प्रमुख अतिथिको रुपमा ल्याएको थियो । प्रमुख अतिथि गुरुङले कार्यक्रममा सहभागीहरूलाई गुरुङ समुदायको इतिहास, कला, संस्कृति र समग्रमा आदिवासी आन्दोलनको विषयमा प्रस्ट पार्नुभएको थियो ।   तमू धीं दक्षिण कोरियाको अध्यक्ष रुपा गुरुङको अध्यक्षतामा भएको कार्यक्रममा विभिन्न राजनीतिक संगठन, क्षेत्रीय संगठन, जातीय संगठन र प्रादेशिक ...