Day: २ वर्ष अगाडि

काठमाडौँ/ बाटोको नाप जाँच नै नगरी नक्कली बिल भरपाई बनाएर उपभोक्ता समितिलाई रकम भुक्तानी गरेपछि हुम्लास्थित चंखेली गाउँपालिकाका तत्कालीन अध्यक्ष धनलाल चौलागाईँसहित ८ जनाविरुद्ध भ्रष्टाचार मुद्दा दायर भएको छ । मेलादेखि बासलधारासम्मको बाटो निर्माण योजनामा गाउँपालिकाका तत्कालीन अध्यक्ष चौलागाईं, निमित्त प्रमुख प्रशासकीय अधिकृत विष्णु बहादुर शाही, इन्जिनियर रुद्र बहादुर वली, लेखापाल धर्मवीर पल्ली मगर, असिस्टेन्ट सव–इन्जिनियर अजय भन्ने अज बहादुर बुढाले योजनाको नाप जाँचै नगरी उपभोक्ता समिति खडा गरेर १० लाख २९ हजार तीन सय २५ रुपैयाँ भुक्तानी गरेको आयोगले जनाएको छ । उनीहरूले निर्माण योजनामा उक्त कार्यको नाप जाँच नै नगरी काम नभएको योजनाको काम भएको भनी गलत प्राविधिक मूल्याङ्कनसहित नापी किताब तयार गर्न लगाएका थिए । कामै नगरी कार्य सम्पन्न प्रतिवेदनसमेत दिई भुक्तानीको टिप्पणी र आदेशलाई सदर गरी गराई झु...

चितवन / चितवनको भरतपुरमा बसको ठक्करबाट बालकको मृत्यु भएको छ । नारायणगढबाट माडीतर्फ जाँदै गरेको ना ४ ख ५८१५ नम्बरको बसले नौ वर्षीय आरुष पौडेललाई ठक्कर दिँदा उनको घटनास्थलमै मृत्यु भएको हो । गएराति भरतपुर महानगरपालिका–७ स्थित माछापुच्छ्रे चोक नजिकै ‘जेब्रा क्रसिङ’मा हिँडिरहेका बेला बालक पौडेललाई बसले ठक्कर दिएको जिल्ला प्रहरी कार्यालय चितवनका प्रवक्ता श्रीराम भण्डारीले जानकारी दिए । माडी नगरपालिका–८ बस्ने चालक विकास सार्कीलाई प्रहरीले सीताराम चोक पुगेपछि नियन्त्रणमा लिएको थियो । घटनामा बसमा सवार भरतपुर–७ बस्ने २१ वर्षीया कोपिला राई पनि घाइते भएका थिए ।...

काठमाण्डौ / आज देशका पहाडी क्षेत्रको मौसम आंशिक बदली रहेको छ । अरु धेरैजसो ठाउँमा मौसम सफा नै रहेको जल तथा मौसम पुर्वानुमान महाशाखाले जनाएको छ । लुम्बिनी, कर्णाली र सुदूरपश्चिम प्रदेशसहित देशका पहाडी क्षेत्रमा आज दिउँसो र राति पनि मौसम आंशिक बदली नै रहनेछ । गण्डकी र कर्णाली प्रदेशका उच्च पहाडी तथा हिमाली एक÷दुई ठाउँमा हल्का हिमपातको सम्भावना रहेको मौसमविद् गोविन्द झाले जानकारी दिनुभयो । पहाडी क्षेत्रमा मौसम बदली र उच्च भागमा हिमपातको सम्भावना भए पनि पानी भने नपर्ने महाशाखाले जनाएको छ । आज काठमाण्डौ उपत्यकाको मौसम पनि आंशिक बदली रहेको छ । तर पानी पर्ने सम्भावना नरहेको मौसमविद् झाले जानकारी दिनुभयो ।...