प्रमुख समाचार

हेटौंडा / सञ्चारिका समूह मकवानपुरको अध्यक्षमा निशा गुरुङ चयन भएका छन् । समूहको मंगलबार हेटौंडामा भएको तेस्रो अधिवेशनबाट गुरुङको नेतृत्वमा १५ सदस्यीय नयाँ कार्यसमिति सर्वसम्मत रुपमा चयन गरिएको हो । यस्तै, समूहको उपाध्यक्षमा जमुना थिङ, महासचिवमा मञ्जु मैनाली, सचिवमा अम्बिका बस्नेत, कोषाध्यक्षमा अन्जना न्यासुर चयन भएका छन् । यसैगरी, सदस्यहरुमा क्रमशः सम्झना थापा, सुनिता विष्ट, स्मिता अर्याल, सुप्रभा चौलागाईँ, अस्मिता भट्टराई, रविना घिमिरे, आँचल तिमल्सिना र सुमिना चौलागाई चयन भएका छन् । कार्यसमितिको बैठकले रमा बिष्ट र गीता कार्कीलाई सदस्यमा मनोनीत गरिएको छ । यसअघि सञ्चारिका समूहकी निवर्तमान उपाध्यक्ष प्रिया पौडेलको अध्यक्षता एवम् सञ्चारिक बागमती प्रदेश अध्यक्ष सरिता दाहालको प्रमुख आतिथ्यतामा उद्घाटन सत्र भएको थियो । कार्यक्रममा नेपाल पत्रकार महासंघ बागमती प्रदेश उपाध्यक्ष हरि हुँमागाई, जिल्...

हेटौंडा / बागमती प्रदेश प्रमुख दीपक प्रसाद देवकोटाले सहिद दिवस २०८१ को अवसरमा सहिदहरु प्रति श्रद्धाञ्जली व्यक्त गरेका छन् । प्रदेश प्रमुख देवकोटाले बुधबार सहिद दिवसको सन्दर्भमा शुभकामना सन्देश जारी गर्नुहुँदै सहिदहरुको योगदानलाई उच्च सम्मान सहित श्रद्धाञ्जली व्यक्त गरे । इतिहासका विभिन्न कालखण्डमा देशको निम्ति आफ्नो प्राणको आहुती दिने ज्ञात अज्ञात सहिदहरूप्रति उहाँले श्रद्धाञ्जली अर्पण गर्नु गरेको हो । सहिदहरूको बलिदानको मर्मलाई बुझी समृद्ध नेपालको साझा सपना साकार पार्न जिम्मेवारी पूर्वक आ आफ्ना कर्तव्य पालन गर्नमा सबैलाई प्रेरणा मिलोस भन्ने कामना गरेका छन् ।  “बर्षौं पहिले कसैले रोपेको बिरुवाले आज छहारी र शीतलता प्रदान गरेजस्तै देशको निम्ति जीवन उत्सर्ग गर्ने राष्ट्रप्रेमी मानवको बलिदानको परिणामले आज हामी सम्पूर्ण नेपाली स्वाधीन, स्वतन्त्र र स्वाभिमानी भएर अग्रगामी मार्गमा छौँ” सन्देशम...

हेटौंडा/  हेटौंडा उपमहानगरपालिका ३ नं वडालाई आईतबार निकृष्ट बालश्रम मुक्त, बाल विवाह मुक्त तथा बालमैत्री स्थानीय शासनयुक्त वडाघोषणा  गरिने भएको छ । शुक्रबार वडा कार्यलयले पत्रकार सम्मेलनको आयोजना गर्दै. बालमैत्री वडा घोषणा गरिने सम्बन्धमा जानकारी गराएको हो । बालबालिकामा लगानी शुनिश्चित भविष्यको थालनी भन्ने मुल नाराका साथ वडालार्ई बालमैत्री वडा घोषणा गरिन लागिएको बालमैत्री वडा घोषणा कार्यक्रमका संयोजक एवम् वडा अध्यक्ष ढलक बहादुर थापाले जानकारी दिए । अध्यक्ष थापाले बालमैत्री स्थानीय शासन घोषणा गर्न आवश्यक ५१ वटा सुचकहरुमा अभ्यास गरी ५१ वटा सुचकहरुमध्ये ४९ वटा सुचकहरु १०० प्रतिशत १ वटा सुचकमा ९८ प्रतिशत र बाँकी १ वटामा ९५ प्रतिशत नतिजा हाँसिल गरेको भन्दै वडालाई बालमैत्री घोषणा गर्न लागिएको बताएका छन् । यसै गरी वडामा बालविवाह शुन्य अवस्थामा रहेको र ३ जना बालश्रमिकको उद्वार गरि पारिवारिक ...

शुभराज भोम्जन दक्षिण कोरिया । आँउदो जनवरी ३० तारिखका दिन नेपाल तामाङ घेदुङ दक्षिण कोरिया जेजुदो शाखाको आयोजनामा हुन लागिएको बृहत सोनाम ल्होछार साँस्कृतिक कार्यक्रमको तयारी तिव्र रुपमा भइरहेको जनाएको छ । तामाङ समुदायको प्रमुख मौलिक सांस्कृतिक तथा धार्मिक पर्व एवम् नेपालको राष्ट्रिय पर्व २८६१ डुल ल्हो ( सर्प वर्ग) सोनाम ल्होछारको अवसरमा आयोजना हुन लागिएको कार्यक्रममा नेपाल देखि आमन्त्रित कलाकारहरूको प्रस्तुती सँगै स्थानीय कलाकारहरूको बेजोड प्रस्तुती रहने आयोजकले जनाएको छ । प्रस्तुतीको लागि नेपाल देखि आउने कलाकारहरूमा सेलो गायक विश्व दोङ, खान्दोके सेलो गायक आस्मान लोप्चन र गायक सुरेश लामा रहेका छन् । जेजुदो स्थित एस्टार होटलको हलमा हुने कार्यक्रमको तयारी तिव्र गतिमा भइरहेकोले अन्तिम चरणमा रहेको जनाएको छ । दिउसो १२ः ३० बजे देखि सुरुहुने कार्यक्रम राती ९ बजे सम्म चल्नेछ । घेदुङ जेजुदो...

शुभराज भोम्जन दक्षिण कोरिया। छल्लानाम्दोस्थित मोक्पो साम्हो साँझा चौतारीको आयोजनामा यही जनवरी २६ तारिखका दिन हुने संयुक्त ल्होसार-ल्होछार सांस्कृतिक कार्यक्रमको तयारी अन्तिम चरणमा पुगेको कार्यक्रम संयोजक धनराज योञ्जन तामाङले जानकारी दिएका छन्। पहिलो पटक आयोजना हुन लागेको कार्यक्रमको तयारी उत्साहपूर्वक भइरहेकोले कार्यक्रम पूर्ण रूपमा सफल हुनेमा आफूहरू विश्वस्त रहेको संयोजक तामाङले बताए।  तामाङ, गुरुङ, र शेर्पा समुदायको सांस्कृतिक पर्वहरूको संरक्षण तथा प्रवर्द्धन गर्ने उद्देश्यले सोनाम ल्होछार, तमू ल्होसार, र ग्याल्पो ल्होसारलाई संयुक्त रूपमा मनाउन लागिएको हो। दिउँसो १ बजे सुरु हुने कार्यक्रमको स्थल परिवर्तन भई अब 전남 목포시 원형동로 10, 3층 मा हुने निश्चित भएको छ । कार्यक्रममा तामाङ, गुरुङ, शेर्पा लगायतका समुदायका विविध सांस्कृतिक प्रस्तुतिहरू रहनेछ।...

दक्षिण कोरिया । थारु कल्याणकारिणी सभा दक्षिण कोरियाले यहि जनवरी २९ तारिखको दिन माघी पर्व मनाउने भएको छ । माघी पर्व तथा थारुहरुको संवत २६४८ को अवसरमा शुभकामना आदान प्रदान तथा साँस्कृतिक कार्यक्रमको आयोजना गर्न लागिएको हो । विगतको वर्षहरुमाझै यस वर्ष पनि कार्यक्रमको आयोजना गरेर माघी पर्व मनाउन लागिएको संस्थाको अध्यक्ष अमर चौधरीले बताएका छन् । सौलको छाछाछा हलमा हुने कार्यक्रममा थारुको बिभिन्न परिकारहरुको स्वाद लिन पाईने आयोजकले जनाएको छ । दिउसो १२ बजेदेखि सुरुहुने कार्यक्रममा सहभागितको लागि सार्वजनिक रुपमा आह्वान गरेका छन् ।...

शुभराज भोम्जन  दक्षिण कोरिया । आइतबार फोनमनी रेमिट्यान्स र लक्ष्मी सनराईज बैंकको सहकार्यमा आर्थिक व्यवस्थापन सम्बन्धी एक दिने अभिमुखिकरण कार्यक्रम सम्पन्न भएको छ । भौतिक र भर्चुअल दुबै माध्यम बाट सञ्चालन गरिएको अभिमुखीकरण कार्यक्रममा सयौँको संख्यामा सहभागिता रहेको थियो । सहभागिहरु फोनमनी रेमिट्यान्सको कार्यालय दोङदेमुनमा भौतिक रुपमा सहभागि भएर अभिमुखीकरण कार्यक्रममा सहभागिता जनाएको थियो । अभिमुखिकरण कार्यक्रममा आईपिओ, रेमिट्यान्स आइपियो, पिएमएस सर्भिस, एसआईपी र सेकेण्डरी मार्केट ट्रेडिङ लगायतका विषयहरुमा अभिमुखीकरण गरि एको थियो । जुम भर्चुअल र फोनमनीको कार्यालयमा भौतिक रुपमा सहभागि भएकाहरुलाई लक्ष्मीसनराईज क्यापिटलका म्युचल फण्ड अफिसर बिकेक विष्ट र पोर्टफुल्लियो म्यानेजमेण्ट सर्भिसका पब्लिक रिलेशनसिप म्यानेजर नेहा श्रेष्ठले अभिमुखीकरण गरिएको थियो । कार्यक्तममा दक्षिण कोरियाको सामाजि...

दक्षिण कोरिया । नेपाली राजदूतावास दक्षिण कोरियामा श्रम काउन्सेलरको भूमिकामा कार्यरत अन्द्रकला ओलीको बिदाई गरिएको छ । नेपाली सम्पर्क समिति दक्षिण कोरिया, नेपाल आदिवासी जनजाति महासंघ दक्षिण कोरिया, सोन्सिक र सम्पूर्ण प्रादेशिक संस्थाहरुको सँयुक्त आयोजनामा सम्मान तथा विदाई कार्यक्रमको आयोजना गर्दै श्रम काउन्सेलर ओलीको विदाई गरिएको हो । विगत दुई वर्ष देखि श्रम काउन्सेलरको भूमिकामा रही कार्य गर्दै आएकी ओलीले कोरियाली नेपाली संघ संस्थाहरु संग सहकार्य गरेर काम गर्दा निक्कै सहज भएको बताइन् । ओलीले आफ्नो ठाउँमा आउने नयाँ श्रम काउन्सेलरलाई पनि नेपाली संघ संस्थाहरु संग सहकार्य गरेर काम गर्न सुझाव समेत दिएका थिइन् । त्यसैगरी द्धित्तिय सचिवको रुपमा आएका जेनिम अधिकारीलाई स्वागत समेत गरिएको थियो । दोङदेमुन स्थित पुजा रेष्टुरेण्टको सभाहलमा भएको कार्यक्रममा बिभिन्न संघ संस्थाहरुको अध्यक्ष तथा प्रतिनिधिह...

हेटौंडा/ पस्चिम मकवानपुरको मनहरी गाउँपालिका वडा नम्बर–४ मुसेधापमा रहेको वनकरिया वस्तिमा अन्तरसम्वाद कार्यक्रम गरिएको छ । स्थानीय वनकरियाहरुले आफ्ना बषौदेखिका समस्याहरु सांसदहरु समक्ष राखेका छन् । मकवानपुरगढी सञ्चार प्रा.लि. हेटौंडा–२ को आयोजना, नर्बेजियन दुतावास काठमाण्डौं तथा संसद सहयोग परियोजना संयुक्त राष्ट्रसंघीय विकास कार्यक्रम (युएनडीपी) को सहकार्यमा बनकरिया समुदायका विविध सवालहरुमा जनप्रतिनिधि र जनताका बीच अन्तरसम्वाद कार्यक्रम गरिएको हो । सार्वजनिक सुनुवाई कार्यक्रममा सन्तोषि वनकरियाले सोधेको प्रश्नको जवाफ दिदैँ उद्योग, पर्यटन वन तथा वातावरण समितिका सभापति श्रेष्ठले सरकारको तर्फबाट जग्गाधनी पुर्जा लगाएत अन्य अधिकारको क्षेत्रमा काम भैरहेको बताउनुभयो । वनकरिया समुदायले जग्गा प्राप्तीका लागि विभिन्न ठाउँमा बुझाएको विज्ञप्तीको प्रतिलिपी आफ्नो समितिमा समेत वडाध्यक्ष मार्फत उपलब्ध गरा...

मकवानपुरगढी गाउँपालिका वडा नम्बर २ कुर्लेदमार चौरमा २८६१ डुल / सा पुख्री ल्हो सोनाम ल्होछारको सास्कृतिक कार्यक्रम हुने भएको छ । बिहिबार नेपाल तामाङ्ग घेदुङ मकवानपुरगढि गाउँपालिका कार्यसमितिले पत्रकार सम्मेलनको आयोजना गर्दै आगामी माघ १२ गते शनिबार कार्यक्रम हुने सम्बन्धमा जानकारी दिएको हो । तामाङ समुदायको भेषभुषा, साँस्कृतिक पक्ष, कला संस्कृति, मौलिक संस्कार, भाषाको संरक्षण र प्रवद्र्धन गर्ने उद्देश्य -ले -कार्यक्रमको आयोजना गर्न लागिएको आयोजकले जनाएको छ । सोनाम ल्होछार कार्यक्रममा राष्ट्रिय कलाकार र स्थानिय कलाकारहरुको तामाङ सेलो सािगंतिक प्रस्तुति र नृत्य प्रस्तुति रहने जनाएको छ । कार्यक्रममा ताम्बा, लामा तथा झाँकी प्रदर्शन, भेषभुषा र खानाका स्टलहरु समेत राखिने घेदुङ गढि गाँउपालिका अध्यक्ष सानो कान्छा थिङले जानकारी दिए । यसै गरी कार्यक्रम सञ्चालन गर्न गाँउपालिका र अन्य प्रायोजक सं...