प्रमुख समाचार

हेटौंडा / साहित्य संगम मकवानपुरले ८ जना स्रष्टालाई सम्मान गर्ने भएको छ । ३ सय ५५ औं नियमित साहित्य सन्ध्या तथा संगम साहित्य उत्सव २०८२ को अवसरमा स्रष्टालाई सम्मान गर्न लागेको हो । शुक्रबार पत्रकार सम्मेलन गर्दै संगमले विभिन्न विधामा ८ जना स्रष्टालाई जेठ १० गते शनिबार हेटौंडा पार्टी प्यालेशमा आयोजना हुने कार्यक्रममा सम्मान गर्न लागेको जानकारी दिएको हो । मकवानपुर साहित्य श्री सम्मान २०८१ बाट राजकुमार लामिछानेलाई सम्मान गर्न लागिएको संगमका सचिव मनोज पोखरेलले जानकारी दिए । उक्त पुरस्कारको राशी १५ हजार ५ सय ५५ रुपैंया रहेको छ । त्यसैगरी १५ हजार ५ सय ५५ राशीको भेषनाथ अधिकारी स्मृति छन्द सम्मान २०८१ बाट टीका आत्रेय सम्मानित हुने भएको छ । विनोद सुनिता सुवेदी सम्मान २०८१ बाट ११ हजार १११ रुपैंया नगद सहित रामकुमार एलनलाई सम्मानित गरिन लागिएको सचिव पोखरेलले जानकारी दिएका छन् । त्यसैगरी १० हजार राशी...

हेटौंडा/ पुरुषको स्वास्थ्यप्रति जनचेतना फैलाउने उद्देश्यले विश्वव्यापी रूपमा आयोजना हुँदै आएको डिस्टिङ्गुइश्ड जेन्टलम्यान्स राइड  हेटौंडामा दोस्रो पटक आयोजना हुने भएको छ । यो कार्यक्रमको आयोजक हेटौंडा इन्फिल्डर्स मकवानपुर रहेको छ । संस्थाका अध्यक्ष राजक शाहीका अनुसार कार्यक्रम शनिबार बिहान हेटौंडाको मनकामना चोकबाट सुरु हुनेछ र १०० भन्दा बढी मोटरसाइकल यात्रीहरू सहभागी हुने अपेक्षा गरिएको छ। सहभागीहरूले क्लासिक र भिन्टेज स्टाइलका मोटरसाइकल (जस्तै कैफे रेसर, स्क्राम्बलर, बॉबर, रेट्रो मोडर्न बाइक) चढ्नेछन् भने, सुट–टाई, बाउलर ह्याट लगायत ड्यापर फेसनमा सजिएर सहभागिता जनाउने छन् । राइडको मुख्य उद्देश्य प्रोस्टेट क्यान्सर र पुरुष मानसिक स्वास्थ्य सम्बन्धी जनचेतना फैलाउनु हो । नेपालमा काठमाडौंलगायत विभिन्न सहरमा आयोजना हुँदै आएको यो कार्यक्रम हेटौंडामा पनि मोटरसाइकलप्रेमी, फेसन उत्साही र सामाज...

हेटौंडा / हेटौंडा उपमहानगरपालिकाको नगर खेलकुद विकास समितिको आयोजनामा तथा उपमहानगरपालिकाको सहयोगमा हुने मेयरकप फुटबल प्रतियोगिता यही शनिबारबाट सुरु हुने भएको छ। बिहीबार हेटौंडा उपमहानगरपालिकाको सभाहलमा आयोजना गरिएको पत्रकार सम्मेलनमार्फत आयोजकले प्रतियोगिताको तयारी पूरा भएको जानकारी दिएका छन् । पत्रकार सम्मेलनमा समितिका सदस्य सुनिल लोप्चनले टिम प्रतिनिधिहरूको उपस्थितिमा गोलाप्रथाबाट खेल तालिका सार्वजनिक गरेका थिए । प्रतियोगिताको उद्घाटन खेलमा साविक विजेता हेटौंडा–४ र हेटौंडा–११ को टिमबीच प्रतिस्पर्धा हुनेछ। खेल हेटौंडा–५ स्थित पिप्ले–क्याम्पा रंगशालामा दिउँसो २ बजे सुरु हुने कार्यक्रम छ । प्रतियोगितामा उपमहानगरपालिकाका १९ वटै वडाका टिमहरू सहभागी हुनेछन्। अन्य खेलको समय तालिका भने पछि सार्वजनिक गरिने जनाइएको छ । विजेता टिमले २ लाख ५० हजार रुपैयाँ नगद, शिल्ड, मेडल र प्रमाणपत्र प्राप्त गर्न...

हेटौंडा /  बागमती प्रदेश सरकार अन्तर्गतको युवा तथा खेलकुद मन्त्रालयले प्रदेशस्तरीय खेल सम्मान कार्यक्रमको आयोजना गर्ने भएको छ । “प्रदेश स्पोर्टस अवार्ड ” नाम दिइएको कार्यक्रम आगामी आइतवार हेटौंडा–४ स्थित हुप्राचौरमा हुने मन्त्रालयले जनाएको छ । कार्यक्रमको जानकारी दिन बिहीवार हेटौंडामा आयोजित पत्रकार सम्मेलनमा बोल्दै युवा तथा खेलकुद मन्त्री मीन कृष्ण महर्जनले खेलकर्मी, प्रशिक्षक र खेल पत्रकारहरूलाई राज्यले औपचारिक रूपमा सम्मान गर्ने परम्पराको सुरुआत गर्न लागिएको जानकारी दिए । उनका अनुसार लामो समयदेखि योगदान पु¥याएका व्यक्तिहरूको मूल्याङ्कन गर्दै उनीहरूलाई प्रदेशस्तरीय सम्मान प्रदान गरिनेछ। साथै, खेलकर्मीको मनोबल वृद्धिसँगै देशबाहिर जाने प्रवृत्तिमा कमी ल्याउने उद्देश्य पनि कार्यक्रमको केन्द्रमा रहेको उनले बताए । निमित्त सचिव सूर्य बहादुर दाहालका अनुसार सम्मान कार्यक्रम अन्तर्गत ८ फरक विध...

हेटौंडा/ महिला उत्थान समाज मकवानपुरले मनहरी गाउँपालिकामा ‘लैङ्गिक समानता तथा सामाजिक समावेशिता सम्बन्धी नीति, रणनीति, निर्देशिका तथा कार्यविधि २०८१’ को अध्ययन तथा विश्लेषणमा छलफल गरिएको छ । बुधबार मनहरी गाउँपालिकाको कार्यालयमा आयोजित कार्यक्रममा स्वतन्त्र परामर्शदातासरिता दाहालले विस्तृत अध्ययन प्रतिवेदन प्रस्तुत गरेकी थिइन् । दाहालका अनुसार, अध्ययनको उद्देश्य गाउँपालिकाले हालसम्म महिलाको आर्थिक सशक्तिकरण, लैङ्गिक हिंसा रोकथाम, सामाजिक न्याय लगायतका क्षेत्रमा अवलम्बन गरेका नीति र कार्यक्रमहरूको प्रभावकारिता मूल्यांकन गर्नु हो। साथै, कार्यान्वयनमा देखिएका अप्ठ्यारा र कठिनाइको विश्लेषण गर्दै आगामी दिनका लागि स्पष्ट सुझाव दिनु पनि अध्ययनको अभिप्राय रहेको बताईएको छ । उनले प्रस्तुत प्रतिवेदनमा तीनवटा अध्ययन विधि प्रयोग गरिएको जानकारी दिइन् । पहिलो, दस्तावेज समीक्षा, जसअन्तर्गत विगत तीन वर्षक...

हेटौंडा/  हेटौंडा इन्फिल्डर्स मकवानपुरले आफ्नो १२ औं वार्षिकोत्सवको अवसरमा सामाजिक उत्तरदायित्व अन्तर्गत दुई फरक क्षेत्रमा नगद सहयोग हस्तान्तरण गरेको छ ।   क्लबका अध्यक्ष राजक शाहीको नेतृत्वमा हेटौंडा–१५, रातोमाटेमा रहेको दिव्य सेवा निकेतन ज्येष्ठ नागरिक आश्रयस्थललाई रु १० हजार नगद सहयोग प्रदान गरिएको थियो । त्यस्तै, बोन म्यारो क्यान्सरबाट पीडित हेटौंडा–१५, गौरिटार निवासी हेमन्त नेगीको उपचार सहयोगार्थ उनका परिवारलाई रु ४१ हजार ५ सयको चेक हस्तान्तरण गरिएको हो । उक्त सहयोग कार्यक्रमले क्लबको सामाजिक प्रतिबद्धता दर्शाएको भन्दै सहभागीहरूले प्रशंसा गरेका थिए । कार्यक्रममा क्लबका पदाधिकारी, स्थानीय समाजसेवी,लगायतको यपस्थित रहेको थियो ।हेटौंडा इन्फिल्डर्स मकवानपुरले विगतमा पनि सामाजिक सेवामा सक्रिय रहँदै विभिन्न सहयोग कार्यक्रम गर्दै आएका छन् ।...

हेटौंडा / बागमती प्रदेश युवा परिषद्को आयोजनामा हेटौंडामा तीन दिने प्रदेश युवा सम्मेलन हुने भएको छ । सम्मेलन भोलि बैशाख २८  देखि ३० गतेसम्म सञ्चालन हुनेछ। सम्मेलनमा डिजिटल सुशासन र प्रविधिमा युवाको भूमिका, शिक्षा, सिप र सृजनशीलता, जलवायु परिवर्तनसँग सम्बन्धित दिगो विकास, सिपमूलक तालिमको आवश्यकता र प्राथमिकता, नीति निर्माणमा युवा सहभागिता तथा नेतृत्व विकासलगायत विषयमा ६ वटा छलफल सत्र आयोजना गरिनेछ । प्रदेश युवा परिषद्का कार्यकारी उपाध्यक्ष सन्तोष चौलागाईंका अनुसार, सम्मेलनमा बागमती प्रदेशका ११९ वटै स्थानीय तहबाट एकरएक जना प्रतिनिधि सहभागी हुनेछन् । साथै, देशका सातै प्रदेशका युवा परिषद् तथा सामाजिक विकास मन्त्रालयको सिफारिसमा अन्य प्रदेशका युवाको पनि सहभागिता रहनेछ । करिब ३० लाख रुपैयाँ खर्च हुने अनुमान गरिएको सम्मेलनको उद्घाटन बागमती प्रदेशका मुख्यमन्त्री बहादुर सिंह लामाले गर्ने कार्यक...

हेटौंडा/ बागमती प्रदेशका आर्थिक मामिला तथा योजना मन्त्री कुन्दन राज काफ्लेले मोबाइल व्यवसायीको सहजीकरणको लागि प्रदेश सरकारले सहयोग गर्ने बताउनुभएको छ । नेपाल मोबाइल व्यवसायी महासंघको शनिबार हेटौंडामा भएको चौथो साधारणसभामा बोल्नुहुँदै मन्त्री काफ्लेले व्यवसाय सञ्चालनका क्रममा आउने प्रशासनिक झमेलामा सहजीकरण गर्ने र व्यवसायीका समस्या तथा एजेन्डालाई सम्बन्धित निकायमा पु¥याउने प्रतिबद्धता व्यक्त गर्नुभयो । उहाँले मोबाइल व्यवसायीहरू राष्ट्रको समग्र आर्थिक चक्रमा जोडिने महत्वपूर्ण क्षेत्र भएकाले व्यवसायीहरूले उठाएका एजेन्डालाई सरकारले प्राथमिकतामा राख्ने बताउनुभयो । प्रयोग भइसकेका पुराना मोबाइल मर्मत गरेर पुनः वितरण गर्ने एजेन्डा व्यवसायीहरूको रहेकोले त्यसमा बागमती प्रदेश सरकारको पूर्ण साथ र सहयोग रहने समेत उहाँले स्पष्ट पार्नुभयो । साधरण सभामा ६० जिल्लाका १ हजार भन्दा बढि प्रतिनिधिहरुक...

हेटौंडा / हेटौंडा उपमहानगरपालिका–१८ स्थित ज्योति माध्यमिक विद्यालयको खेलमैदानमा जारी आठ ए साइड नकआउट फुटबल प्रतियोगिता अन्तर्गत शुक्रवार  क्वार्टरफाइनल खेलमा दाजुभाइ एफसीले एफसी भोर्लेलाई ३–१ गोलले पराजित गर्दै सेमिफाइनलमा स्थान सुरक्षित गरेको छ। दाजुभाइ एफसीका कप्तान समिराज थोकरले दुई गोल गर्दै टिमको जितमा महत्वपूर्ण भूमिका खेलेका थिए। उत्कृष्ट प्रदर्शनका आधारमा उनलाई म्यान अफ द म्याच घोषित गरिएको छ। प्रतियोगिता अन्तर्गत भोलि बैशाख २७ गते सेमिफाइनल चरणका दुई खेलहरू हुनेछन्। पहिलो खेल दिउँसो ३ बजे नेवा लाहाना र नाकसोती एफसीबीच हुनेछ भने दोस्रो खेल ४ बजे दाजुभाइ एफसी र कमलदेवी युवा क्लबबीच हुनेछ। कुल ११ टिम सहभागी रहेको प्रतियोगिताको विजेताले नगद रु. ४०,०००, मेडल र ट्रफी प्राप्त गर्नेछ भने उपविजेताले रु. २०,००० सहित मेडल र ट्रफी प्राप्त गर्नेछ। स्थानीय युवाहरूको सक्रिय सहभागिता र दर्...

हेटौंडा/ गोल्डकप महिला फुटबल प्रतियोगिताको फाइनल बिहीबार हुँदैछ । हेटौंडामा जारी प्रतियोगिताको उपाधिका लागि सशस्त्र प्रहरी बल एपीएफ र नेपाल पुलिस क्लबबीच प्रतिस्पर्धा हुने भएको हो । बुधबार गौरीटार रंगशालामा भएको प्रि–म्याच कन्फ्रेन्समा दुबै टिमका प्रशिक्षक र कप्तानले उपाधि जित्ने दाबी गरेका छन्। एपीएफका प्रशिक्षक जिवेश पाण्डेले टिमले धेरै मेहनत गरेकोले उपाधि जित्ने विश्वास व्यक्त गरे। उनले रक्षात्मक नभई आक्रमक खेल खेल्ने बताए । एपीएफकी कप्तान अनिता बस्नेतले निरन्तर खेल खेल्दा विश्राम गर्न नपाए पनि फाइनलमा जित्ने लक्ष्यसाथ मैदान उत्रने बताइन् । पुलिसका प्रशिक्षक भोलानाथ सिलवालले एपीएफ बलियो टिम भए पनि आफूहरू पनि जित्ने मनस्थितिमा रहेको बताए । उनले एपीएफलाई रोक्ने रणनीति तयार भइसकेको जानकारी दिए। पुलिसकी कप्तान निरुता थापाले पनि उपाधि जित्ने आत्मविश्वास व्यक्त गरिन् । मंगलबारको सेमिफाइनलम...