प्रमुख समाचार

काठमाडौं- काठमाडौंको तीनकुनेमा शुक्रबार भएको प्रदर्शन, तोडफोड र आगजनीमा संलग्न भएकाहरुलाई पक्राउ पर्ने क्रम जारी छ । जिल्ला प्रहरी परिसर, काठमाडौंका प्रवक्ता एसपी अपिलराज बोहराका अनुसार शनिबार बिहानसम्मम १०५ जना पक्राउ परेको बताईएको छ । प्रहरीको बन्दुक खोस्ने पनि पक्राउ परिसकेको जनाएको छ । तर, उनको नाम भने खुलाइएको छैन । राप्रपाका नेताहरू रवीन्द्र मिश्र, धवलशम्शेर राणाका साथै स्वागत नेपाललगायतका राजावादी अभियन्ताहरू शुक्रबार राति नै पक्राउ परेका छन् । राजतन्त्र पुनर्स्थापनाका लागि आन्दोलन समितिका संयोजक नवराज सुवेदीलाई घरमै नजरबन्द गरिएको छ । अमानवीय, अमर्यादित एवं गैरकानुनी अपराधिक गतिविधिमा संलग्न व्यक्तिहरुलाई पक्राउ गरिएको प्रहरीको भनाइ छ ।...

काठ्माण्डौ-  सरकारले काठमाण्डौको तीनकुने क्षेत्रमा शुक्रकबार भएको घटनाको सत्यतथ्य छानबिन गरी दोषीलाई कारबाही गर्ने भएको छ । शुक्रकबार बेलुकी बालुवाटारमा बसेको मन्त्रिपरिषद् बैठकले घटनाको सत्यतथ्य छानबिन गरी दोषीलाई कारबाही गर्न र आउँदा दिनमा यस्ता घटना हुन नदिन गृह मन्त्रालयलाई निर्देशन दिएको छ । बैठकले प्रदर्शनका क्रममा घाइते भएकाहरुको उपचारको व्यवस्था मिलाउन स्वास्थ्य तथा जनसङ्ख्या मन्त्रालयलाई निर्देशन दिएको छ ।...

काठ्माण्डौ - नेपाली कांग्रेसले हिंसा भड्काउने र हिंसामा सामेल हुने व्यक्तिहरूलाई कडा कानूनी कारबाही गर्न माग गरेको छ । महामन्त्रीद्वय विश्वप्रकाश शर्मा र गगन थापाले वक्तव्य निकालेर काठमाण्डौको तीनकुने लगायत क्षेत्रमा भएको हिंसात्मक प्रदर्शनको निन्दा गरेका छन् । वक्तव्यमा संविधानसभाबाट वर्तमान संविधान बनेको स्मरण गर्दै नागरिकका असन्तुष्टिको सम्बोधन वर्तमान संविधानभित्रैबाट खोज्न आग्रह गरिएको छ । नागरिकमा रहेका कयौँ असन्तुष्टिको हल वर्तमान संविधानभित्रैबाट सम्भव रहेको भन्दै कांग्रेसले लोकतन्त्रको विकल्प अझ समुन्नत लोकतन्त्र भएकोमा जोड दिएको छ । यसैबीच नेकपा एमालेले लोकतन्त्रका पक्षमा तथा पश्चगमनका विरुद्ध गोलबन्द हुन आम नागरिक तथा राजनीतिक दलहरूलाई आह्वान गरेको छ । महासचिव शंकर पोखरेलले विज्ञप्ति निकालेर लोकतान्त्रिक गणतन्त्र र नेपालको संविधानको रक्षाका लागि एमाले दृढतापूर्वक उभिने उल्लेख...

हेटौंडा - मकवानपुरमा नयाँ पुस्ताको पत्रकारिताका अवसर, चुनौती र आवश्यक तयारीका विषयमा गहन छलफल भएको छ । स्वतन्त्र पत्रकार संघ, मकवानपुरको आयोजनामा बिहीबार हेटौंडामा प्यानल छलफल कार्यक्रम सम्पन्न भएको हो । कार्यक्रममा वरिष्ठ पत्रकार प्रताप विष्ट, बागमती प्रदेश सञ्चार रजिष्ट्रार रेवती सापकोटा, नेपाल पत्रकार महासंघ मकवानपुरका अध्यक्ष बालकृष्ण अधिकारी, युवा पत्रकार जमुना थिङ वक्ताका रूपमा उपस्थित रहेका थिए । छलफल कार्यक्रममा वरिष्ठ पत्रकार विष्टले पत्रकारिताको विगत र वर्तमान अवस्था तुलना गर्दै नयाँ पुस्ताका पत्रकारहरूका लागि चुनौतीभन्दा अवसर बढी रहेको बताउनु भयो । विगतमा पत्रकारिता संघर्षपूर्ण भए पनि अनुशासनयुक्त रहेको तर अहिले प्रविधिको विकास भए पनि सामग्रीको गुणस्तर र अनुशासनमा कमी देखिएको उहाँको बुझाई छ । उहाँले प्रविधिको प्रयोगसँगै पत्रकारिताको गति तिव्र भए पनि समाचारको गहिराइ र विश्वसन...

हेटौंडा/ चेपाङ समुदायको मानव अधिकार व्यवस्था सम्बन्धि परामर्श कार्यक्रम आइतबार हेटौंडामा भएको छ । राष्ट्रिय मानव अधिकार आयोगको आयोजना तथा राष्ट्रिय जनवकालत मञ्चको सहकार्यमा कार्यक्रम भएको हो । कार्यक्रममा चेपाङ समुदायको अवस्था र चेपाङहरुको मानव अधिकार अध्ययन प्रतिवेदन २०८१ मस्यौदा को विषयमा मानव अधिकारकर्मी किरण बरामुले प्रस्तुतिकरण दिनु भएको थियो । चेपाङ समुदायको आर्थिक सामाजिक सास्कृतिक शैक्षिक अवस्थामा केन्दृत प्रतिवेदन अनुसार, अव्यवस्थित विकास र क्रसर उध्योग ले चेपाङ समुदायमा असर परिरहेको जनाइएको छ । मकवानपुरका मात्रै १ सय १८ चेपाङ घर अव्यवस्थित खानीका कारण प्रभावित बनेको प्रतिवेदनमा उल्लेख छ । उहाँले चेपाङ समुदाय आदिवासी जनजाति उत्थान राष्ट्रिय प्रतिष्ठान ऐन २०५८ को अनुसुची अनुसार अति सिमान्तकृत आदिवासी जनजाति समुहमा सुचिकृत भएको बताउनुभयो । नेपालमा २०७८ को जनगणना अनुसार चेपाङको जन...

दक्षिण कोरिया । दक्षिण कोरियामा रहेको नेपाल आदिवासी जनजाति महासंघको अगुवाइमा महासंघ आबद्ध जातीय संस्थाहरू तथा सम्बद्ध संघ-संगठनहरूले नेपालमा भइरहेको मुक्कुमलुङ केवलकार परियोजनासम्बन्धी विवाद र त्यसका क्रममा भएको राज्यपक्षीय हस्तक्षेप तथा दमनको विरोधमा ज्ञापन पत्र बुझाएका छन्। आइतबार, नेपाली राजदूतावास, सौल दक्षिण कोरियामा उपस्थित भई महामहिम राजदूत डा. शिवमाया तुम्बाहाम्फे मार्फत नेपाल सरकारलाई सम्बोधन गरिएको ज्ञापन पत्र हस्तान्तरण गरिएको हो। साथै, केही समयअघि आत्माहत्यागरी ज्यान गुमाएका तुलसी पुन मगरको घटनाको छानबिन र न्याय सुनिश्चित गर्न माग गर्दै विशेष ध्यानाकर्षण पत्र पनि बुझाइएको छ। ज्ञापन पत्र बुझाउने टोलीको नेतृत्व महासंघका संरक्षक लोचन राई तथा वरिष्ठ उपाध्यक्ष शुभराज भोम्जनले गर्नुभएको थियो। साथै, महासंघमा आबद्ध जातीय संस्थाका अध्यक्षहरू, सल्लाहकारहरू, तथा अन्य सरोकारवालाहरू ...

हेटौंडा/ ११५ औं अन्तर्राष्ट्रिय महिला दिवसको अवसरमा शुक्रबार हेटौंडामा नीति संवाद कार्यक्रम सम्पन्न भएको छ । मकवानपुर महिला उत्थान समाजको आयोजनामा कार्यक्रम भएको हो । संवाद कार्यक्रममा मनहरी गाउँपालिकाका अनौपचारिक क्षेत्रमा कार्यरत २३ जना महिलाहरुको सहभागिता रहेको थियो । निती संवाद कार्यक्रममा नेपाल ट्रेड युनियन श्रमिक संघका अध्यक्ष खलिन मिया, जिफन्ट मकवानपुरका अध्यक्ष अर्जुन अर्याल, अखिल नेपाल ट्रेड युनियन बागमती प्रदेशका सहसचिव अध्यक्ष बिष्णु राणा, मनहरी गाउँपालिका प्रधानमन्त्री स्वरोजगार शाखाका सब ईन्जिनियर राजकुमार ठाकुर प्रमुख वक्ताका रुपमा रहनुभएको थियो । कार्यक्रममा सहभागि श्रमिक महिलाहरुले समयमा ज्याला नपाउने, बढी समय सम्म काम गर्नुपर्ने , पुरुष श्रमिकको तुलनामा कम ज्याला पाउने जस्ता समस्याहरु झेल्नु परेको बताएका थिए । श्रमिक महिलाहरुले अनौपचारिक क्षेत्रमा काम गर्दा दुर्घटना हुद...

हेटौंडा / बागमती प्रदेशका सहकारी तथा गरिबी निवारण मन्त्री मधुकुमार श्रेष्ठले सय दिने प्रगति विवरण सार्वजनिक गरेका छन्। शुक्रबार हेटौंडा–११ स्थित मन्त्रालयको सभाहलमा मन्त्री श्रेष्ठले पत्रकार सम्मेलनमार्फत आफूले मन्त्रालय सम्हालेपछि सयदिने प्रगति विवरण सार्वजनिक गरेका हुन्। गत ९ साउनमा बिना विभागीय मन्त्रीमा नियुक्त भएका श्रेष्ठले २७ कार्तिक मन्त्री परिषद्को निर्णयबाट सहकारी तथा गरिवी निवारण मन्त्रालयको जिम्मेवारी प्राप्त गरेका थिए। सोही जिम्मेवारीअनुसार मंसिर ७ गतेदेखि कार्यारम्भ गरेपश्चात् उनले मन्त्रालयको जिम्मेवारी लिएको शुक्रवार सय दिन पूरा भएको छ। सय दिन पूरा भएको अवसर पारेर मन्त्री श्रेष्ठले १३ बुँदे प्रगति विवरण सार्वजनिक छन्। मन्त्री श्रेष्ठले मन्त्रालयको लागि आवश्यक भवनको व्यवस्थापन गरी कार्य सञ्चालनको लागि आवश्यक पुर्वाधारहरुको व्यवस्थापन गरी हाल हेटौंडा उपमहानगरपालिका –११ स्थ...