स्व. साइमन योन्जन स्मृति फुटसल प्रतियोगिता स्थगित
हेटौंडा/ मकवानपुरगढी गाउँपालिका खेलकुद विकास समितिले असोज ९ देखि ११ गतेसम्म आयोजना गर्न लागिएको “स्व. साइमन योन्जन स्मृति रनिङ्शिल्ड फुटसल प्रतियोगिता–२०८२” स्थगित गरेको छ ।
समितिका अध्यक्ष हिरा बाबु स्याङ्तानले बुधबार जानकारी दिँदै अर्को सूचना नआएसम्म प्रतियोगिता सञ्चालन नहुने बताउनुभयो । उहाँका अनुसार प्रतियोगिता स्थगित गर्नुपर्नु परेको भए पनि उचित समय र परिस्थितीअनुसार नयाँ मिति तोकिएपछि सबैलाई जानकारी गराइनेछ । गत असोजमा कुलेखानी–सिस्नेरी क्षेत्रमा गएको पहिरोमा ज्यान गुमाएका युवा खेलाडी साइमन योन्जनको सम्झनामा प्रतियोगिता आयोजना गर्न लागिएको थियो। मकवानपुरगढी–३ स्थित भानु फुटसलमा हुने भनिएको प्रतियोगिता मार्फत स्थानीय खेलाडीको प्रतिभा प्रदर्शनसँगै समुदायमा खेलकुद संस्कृतिको विकास गर्ने उद्देश्य रहेको समितिले जनाएको थियो ।...
