प्रमुख समाचार

दक्षिण कोरिया । नेपाल मगर संघ दक्षिण कोरिया केन्द्र र शाखाहरुको सयुक्त आयोजनमा हुन लागेको मगर माघे सकराती विविध साँस्कृतिक कार्यक्रममा गायिका बिमता मगर प्रस्तुतीको लागि दक्षिण कोरिया आउने भएका छन् । मगरहरुको मौलिक पर्व मगर माघे सकराती सुवनको होबाग नाईट क्लबमा जनवरी १२ तारिखको दिन हुने निश्चित भएको छ । गायिका मगरले कार्यक्रममा सहभागिहरुलाई मनोरञ्जन दिलाउने छिन् । त्यसैगरी कार्यक्रममा स्थानिय कलाकारहरुको पनि बेजोड प्रस्तुती रहने आयोजकले जनाएको छ । नेपाल मगर संघ दक्षिण कोरिया केन्द्र र शाखाहरुको आयोजनामा हरेक वर्ष मगर माघे सकराती मनाउदै आइरहेका छन् । जनवरी १२ तारिखको बिहान ११ बजे देखि सुरुहुने कार्यक्रममा सहभागिताको लागि आयोजकले आह्वान समेत गरेका छन् ।...

काठमाडौं । अटो इण्डस्ट्रीका दिग्गज निसान र होण्डा कम्पनी एकापसमा गाभिने भएका छन् । चिनियाँ कम्पनीका गाडीसँग प्रतिस्पर्धा गर्न यी दुई जापानीज कम्पनी गाभिन लागेका हुन् । मर्जर प्रक्रियामा दुवै कम्पनीका प्रतिनिधिले सोमबार हस्ताक्षर गरेका छन् । यदि मर्ज भएर एकीकृत कारोबार सुरु भएमा यो विश्वको अटो इण्डष्ट्रीमा तेस्रो ठूलो कम्पनी हुनेछ । हालसम्म टोयोटा नै जापानको अग्रणी गाडी निर्माता कम्पनीको रुपमा छ । हाल सवारी उद्योग ठूलो बदलावका साथ अगाडि बढिरहेको छ । एकातर्फ जीवाश्म इन्धनको विकल्प रोज्नुपरेको छ भने अर्कोतर्फ चिनियाँ कम्पनीका उत्पादनसँग तीव्र प्रतिस्पर्धा गर्नु परेको छ । निसान परिवारको एक सदस्य मित्सुबिसी मोटर्सले पनि आफ्नो व्यावसायलाई एकीकृत गर्नका लागि छलफलमा सहभागी हुन सहमति जनाएको छ । निसानका सीईओ माकोतो उचिदाले भनेका छन्( यदि हामी एकीकरणमा सफल भयौं भने हामी ग्राहकको साथमा अझै उत्कृष्...

 काठमाडौं । सरकारी वकिलको कार्यालय, कास्कीले रवि लामिछानेलगायत विरुद्ध जिल्ला अदालत कास्कीमा सहकारी ठगी र सम्पत्ति शुद्धीकरणको अभियोगमा मुद्दा दायर गरेको छ ।जिल्ला अदालतमा दायर भएको अभियोगपत्रमा मूलतः लामिछानेलगायतको समूहमाथि सहकारी ठगीको अभियोग लागेको छ ।   सहकारी ठगी गरेबापतको रकम विभिन्न व्यक्तिको खातामा परिचालन गरी आफूले समेत लाभ लिएको भन्दै सरकारी वकिलले उनीमाथि सम्पत्ति शुद्धीकरणको अभियोग लगाएको हो । पूर्वगृहमन्त्री एवं राष्ट्रिय स्वतन्त्र पार्टीका सभापति लामिछानेमाथि संगठित अपराधको अभियोग समेत छ । तर संगठित अपराधको आरोपमा छुट्टै मुद्दा दर्ता हुँदैन । कुनै अपराध गर्दा तीन वा त्यो भन्दा बढीको समूह मिलेर योजनावद्ध र संगठित रुपमा अपराध गरेमा मूल सजायमा थप ५० प्रतिशत कैद हुनुपर्ने मागदावीसहित संगठित अपराधको अभियोग लगाइएको हुन्छ । आरोपपत्रमा रवि लामिछानेमाथि आफैले ३ करोड ३७ ला...

हेटौंडा / बागमती प्रदेश युवा तथा खेलकुद मन्त्रालय मातहतको प्रदेश खेलकुद विकास परिषद्ले खेलकुदका विभिन्न विद्यामा स्वयंसेवक प्रशिक्षक नियुक्तिको प्रक्रिया अगाडि बढाएको छ । बुधवार बसेको स्वयंसेवक छनौट निर्देशक समितिको बैठकको निर्णय अनुसार परिषद्ले विभिन्न १२ विधाका खेलकुदका लागि २६ जना स्वयंसेवक प्रशिक्षक नियुक्त गर्दैछ । परिषद्ले स्वयंसेवक प्रशिक्षकको रुपमा सूचिकृत हुन आज सूचना समेत जारी गरेको छ । आर्थिक वर्ष २०८१र०८२ को वार्षिक स्वीकृत कार्यक्रम अनुसार स्वयंसेवक प्रशिक्षकहरु सूचिकृत गरी छनौट गर्नुपर्ने र कार्यक्षेत्रमा खटाउनुपर्ने भएकाले सूचना जारी गरिएको प्रदेश खेलकुद विकास परिषद्का सदस्य सचिव दीपक लामाले जानकारी दिएका छन् । स्वयंसेवक प्रशिक्षकका लागि इच्छुक योग्यता पुगेका खेलसँग सम्बन्धित खेलाडीहरुले १५ दिन भित्र व्यक्तिगत विवरणसहित निवेदन दिनुपर्ने उनले बताए । परिषद्ले करातेमा ४, उस...

दक्षिण कोरिया । कोरियन चाड सलनालको अवसरमा पुर्वी नेपाल समाज अन्तर्गत रहेर आयोजना गर्न लागिएको सांगीतिक तथा मनोरञ्जनात्मक कार्यक्रमहरुको पोस्टर सयुक्त रुपमा २२ तारिख आइतबार सार्वजनिक गरिने भएको छ । सौलको दोङ्देमुन स्थित रहेको पुर्वी नेपाल समाजको सभाहलमा सयुक्त रुपमा पत्रकार सम्मेलनको आयोजना गरि पोस्टर सार्वजनिक गर्न लागिएको हो । एनसीसी दक्षिण कोरियाको सहजिकरणमा पुर्वी नेपाल समाज अन्र्तत खोटाङ सेवा समाजले आयोजना गर्न लागिएको खोटाङ हलेसी सांगीतिक सौगात भाग-५ र पुर्वी नेपाल समाजको समन्वयमा भोजपुर परिवार र ओखलढुङ्गा सेवा समाजले आयोजना गर्न लागिएको रात्रिकालिन कार्यक्रमहरुको सयुक्त रुपमा पोष्टर सार्वजनिक गरिने कार्यक्रममा सहभागि हुनको लागि आयोजकले सार्वजनिक रुपमा आह्वान समेत गरेका छन् । खोटाङ सेवा समाजले आयोजना गर्न लागिएको सांगीतिक कार्यक्रम जनवरी २९ तारिखको दिउसो हुनेछन् भने अन्य कार्यक्रम...

दक्षिण कोरिया ।  Fonemoneyको १ करोड वन जित्ने अफरको अवधि अब ३ महिना थप भएको छ । रेमिटेन्स कम्पनी Fonemoney ले पछिल्लो समयमा सेवाग्राहीहरुबाट व्यक्त बढ्दो चाहनालाई मध्यनजर गर्दै Fonemoney साथमा १ करोड हातमा योजनाको अवधि ३१ मार्च २०२५ सम्मको लागि बढाइएको जनाएको छ । कम्पनीको यो अफर अवधि बढेसंगै अरु १२ जना सेवाग्राहीले पैसा डबल बनाउने मौका पाउनेछन् । २१ हप्ताको अवधिमा हालसम्म Fonemoney बाट पैसा पठाउने २१ जनाको रेमिटेन्स पठाएको पैसा डबल भईसकेको छ । आगामी साता सोमबारपनि सो साताको आईतबारसम्म पैसा पठाउने मध्येबाट लक्की ड्रमार्फत् पैसा डबल हुने एक भाग्यशाली सेवाग्राही छनौट हुनेछन्। Fonemoneyले शुन्य सेवा शुल्कमा सेवा दिदै आईरहेको छ । कोरियामा नेपालीहरुको विश्वास जित्दै गरेको रेमिट Fonemoneyले Refer and Earn योजना समेत संचालन गरेको छ जसमा Fonemoneyको एप ३ जनालाई रिफर गर्नेले रु १००० र नयाँ ख...

हेटौंडा/  दोश्रो संस्करणको बागमती प्रदेश लिग फुटबल प्रतियोगिता पुस १० गतेबाट हेटौंडामा हुदैँ छ । बागमती प्रदेश फुटबल संघले मंगलबार हेटौंडामा पत्रकार सम्मेलनको आयोजना गर्दै प्रतियोगिता हुने बारे जानकारी दिएको हो । प्रतियोगिता हेटौ.डा उपमहानगपालिका वडा नं.५ स्थित पिप्ले क्याम्पा रंगशालामा हुने संघका कार्यबाहक अध्यक्ष राजीव बस्नेतले बताए । प्रतियोगितामा बागमती प्रदेशका ११ वटा जिल्लाका लिग च्याम्पियनहरुले सहभागिता जनाउने अध्यक्ष बस्नेतले जानकारी दिए । लिग कम नकआउट अवधारणामा हुने प्रतियोगिताको फाइनलमा पुग्ने दुईवटा टिमले एन्फाले आयोजना गर्ने राष्ट्रिय फुटबल लिगमा सहभागिता जनाउने अध्यक्ष बस्नेतले बताएका छन् । आयोजकले प्रतियोगितामा ३१ लाख खर्च हुने अनुमान गरेको छ ।...

दक्षिण कोरिया । आइतवार कास्की परिवार दक्षिण कोरियाको पत्रकार सम्मेलन भएको छ । कास्की परिवार दक्षिण कोरियाले कोरियन चाड सलनालको पहिलो दिन जनवरी २८ गते आयोजना गर्न लागिएको माछापुच्छ्रे सांगीतिक सौगात भाग ४ विषयमा जानकारी दिने हिसावले पत्रकार सम्मेलन गरिएको थियो । पत्रकार सम्मेलनमा दिएको जानकारी अनुसार कार्यक्रममा आमन्त्रण गरिएको १९७४ एडी ब्याण्डका लगभग सबै कलाकारहरुले भिसा पाईसकेता पनि कार्यक्रम गर्ने हलको भने अझै टुङ्गो लागिनसकेको जनाएको छ । कार्यक्रम संयोजक खोम प्रसाद गुरुङले बताए अनुसार अर्को हप्ता सम्ममा हल पनि फाइनल हुने जनाएको छ । त्यसैगरी गण्डकी प्रदेश समाजका अध्यक्ष प्रबिन गिरीले हल फाइनल नभएको खण्डमा पनि कलाकारहरुको भिसा आइसकेकोले कार्यक्रम नहुने चान्स शुन्य रहेको बताएका छन् । आयोजकले बताए अनुसार कार्यक्रम सम्पन्न गर्नको लागि दशौ करोड वन सम्म पनि लाग्न सक्ने बताएका छन् । कार्यक्...

दक्षिण कोरिया । राष्ट्रिय सभाले शनिबार, राष्ट्रपति युन सुक योललाई मार्शल ल घोषणामा महाभियोग लगाउने प्रस्ताव पारित गरेको छ । सत्तारूढ पीपुल पावर पार्टीका केही सांसदहरूले उनको पदबाट हटाउनको समर्थनमा सामेल भएपछी युन विरुद्धको महाभियोग प्रस्तावलाई मतदानमा राखिएको थियो । कुल ३०० मत खसेकोमा २०४ पक्षमा, ८५ विपक्षमा, ०३ अनुपस्थित, र ०८ बदर भोटहरू खसेको छ । यो प्रस्तावको स्वीकृति यूनले अचानक मार्शल ल घोषणा गरेको ११ दिन पछि भएको हो । महाभियोग विधेयक पारित भएपछि, राष्ट्रपतिको रूपमा युनको कर्तव्य तुरुन्तै निलम्बन गरिएको छ, संवैधानिक अदालतले प्रस्तावलाई समर्थन गर्ने वा अस्वीकार गर्ने निर्णय गर्न बाँकी छ। यसैबीच, प्रधानमन्त्री हान डक सूले कार्यवाहक राष्ट्रपतिको रूपमा काम गर्नेछन्।...

दक्षिण कोरिया । तामाङ समुदायको प्रमुख चाड सोनाम ल्होछार तथा नेपालको राष्ट्रिय पर्व सोनाम ल्होछारको अवसरमा दक्षिण कोरियामा बृहत साँस्कृतिक कार्यक्रम हुने भएको छ । आउदो जनवरी २८ सलनालको पहिलो दिनमा नेपाल तामाङ घेदुङ दक्षिण कोरियाको आयोजनामा बृहत साँस्कृतिक कार्यक्रम हुन लागेको हो । मञ्जुश्री संवत २८६१ ( सर्प वर्ग ) को स्वागतमा आयोजना गर्न लागिएको कार्यक्रममा नेपाल देखि आमन्त्रीत थुप्रै कलाकारहरुको प्रस्तुती रहने आयोजक संस्थाका महासचिव दावा फिञ्जो योञ्जन तामाङले लाबा मिडियालाई जानकारी दिएका छन् । घेदुङ द्धारा सञ्चालित शैक्षिक कल्याणकारी कोषको बृद्धि बिकासको निम्ती आयोजना गर्न लागिएको कार्यक्रम सफल पार्नको निम्ति सहयोग गर्नको लागि सार्वजनिक रुपमा आह्वान गरेका छन् । सौलको एच.डब्लु कन्भेन्सन हलमा आयोजना हुने कार्यक्रम दिउसो ४ बजेदेखि राती १० बजे सम्म कार्यक्रम हुने जनाएको छ ।  ...