समाचार

दक्षिण कोरियामा तीव्र हावाका कारण फैलिएको डढेलोले देशको दक्षिणी क्षेत्रहरूलाई ध्वस्त पारेको छ । अधिकारीहरूका अनुसार आगलागीले २४ जनाको मृत्यु भएको छ भने दुई सयभन्दा बढी संरचनाहरू नष्ट भएको तथा २७ हजार मानिसलाई विस्थापित भएका छन् । आगलागीबाट सबैभन्दा बढी प्रभावित क्षेत्रहरू मध्ये एक दक्षिणपूर्वी उइसेङ जङ्गलमा लागेको डढेलो निभाउने प्रयासमा एउटा हेलिकप्टर दुर्घटनाग्रस्त भएको अधिकारीहरूले बताएका छन् । आगलागीले उइसेओङ शहरमा रहेको १३ सय वर्ष पुरानो मन्दिर ध्वस्त बनाएको छ । यद्यपि, धेरै सांस्कृतिक सम्पदाहरूलाई सुरक्षित स्थानमा स्थानान्तरण गरिएको छ । एक प्राचीन बौद्ध मन्दिर, घरहरू, कारखानाहरू र सवारी साधनहरू लगायत संरचनाहरू नष्ट भएका छन् । आगलागीबाट ४३ हजार तीन सय ३० एकड जमिन जलेको र १९ जना घाइते भएको सरकारको आपत्कालीन प्रतिक्रिया केन्द्रले जनाएको छ । टेलिभिजन सम्बोधनमा दक्षिण कोरियाका कार्यवाहक...

हेटौंडा  / हेटौंडामा दोस्रो एएफयु सेभेन ए साईड महिला फुटबल प्रतियोगिता २०८१ हुने भएको छ । शनिवार कृषि तथा वन विज्ञान विश्वविद्यालय वन विज्ञान संकाय हेटौंडाले पत्रकार सम्मेलनको आयोजना गर्दै प्रतियोगिता बारे जानकारी गराएको हो । हेटौंडा – ५ स्थित पिप्ले क्याम्पा रगंशालामा आईतबार देखि बुधवार सम्म प्रतियोगिता हुनेछ । आयोजकका अनुसार प्रतियोगितामा कृषि संकाय, रामपुर, चितवन, वन विज्ञान संकाय, हेटौंडा, मकवानपुर, प्राकृतिक श्रोत व्यवस्थापन कलेज, पाख्रिबास, धनकुटा, प्राकृतिक श्रोत व्यवस्थापन कलेज, कटारी, उदयपुर, प्राकृतिक श्रोत व्यवस्थापन कलेज, बर्दिबास, महोत्तरी, प्राकृतिक श्रोत व्यवस्थापन कलेज, मरिण, सिन्धुलि, प्राकृतिक श्रोत व्यवस्थापन कलेज, पुरुञ्चौर, कास्कि, प्राकृतिक श्रोत व्यवस्थापन कलेज, माडिचौर, रोल्पा, र प्राकृतिक श्रोत व्यवस्थापन कलेज, टिकापुर, कैलाली गरी नौ टिमको सहभागि सहभागि रहने छन्...

हेटौंडा / मकवानपुरको हेटौंडा क्याम्पसको सभापतिमा अनेरास्ववियुको तर्फबाट अध्यक्ष पदमा अभि मैनाली निर्वाचित भएका छन् । स्वतन्त्र विद्यार्थी युनियन(स्ववियु) को चुनावले अनेरास्ववियु र नेविसंघको संयुक्त प्यानलबाट उम्मेदवारी दिएका मैनालीले २ सय ५१ मत प्राप्त गर्दै निर्वाचिन भएका हुन् । मैनालिका प्रस्तिस्पर्धी अखिल क्रान्तिकारीका दिपक वाइबा तामाङले ११९ मत प्राप्त गरेका छन् । सचीव पदमा अनेरास्ववियुका गणेश तिमल्सिनाले २७१ मत प्राप्त गर्दा उनका प्रतिस्पर्धी क्रान्तिकारीका ईश्वर ढुङ्गेलले ९१ मत प्राप्त गरेका छन् । कोषाध्यक्षमा नेविसंघका सुरज बोलखेले २३६ मत प्राप्त गर्दा क्रान्तिकारीकाकी प्रास्ना दोङले ११५ मत प्राप्त गरे । त्यस्तै, सदस्यहरुमा शिशिर ढकाल, मुना शिकारी, नितेश भण्डारी, नितिशकुमार यादव र अखिलेशकुमार यादव निर्वाचित भएका छन् । साथै समानुपातिकतर्फ अनेरास्ववियुले २२०, अखिल क्रान्तिकारीले ९५...

हेटौंडा/ तामाङ भाषाको चलचित्र ‘ए ङाला ह्राङ्बा माया’ को हेटौंडामा पुन - विशेष प्रदर्शन भएको छ । शनिबार हेटौंडाको ओम्याक्स हलमा चलचित्रको दोस्रो प्रदर्शन गरिएको हो । मुनसन सुपरस्टार मुभिज प्रा.लिको व्यानरमा चलचित्र निर्माण भएको हो । मकवानपुर जिल्ला तामाङ समुदायको बाहुल्यता भएको हुनाले मकवानपुरमा दुई पटक शो प्रदर्शन गरिएको कलाकार हेमकुमार तितुङले बताए । यसअघि पुष २० गते पहिलोपटक हेटौंडामा पहिलो पटक विशेष शो प्रदर्शन गरिएको थियो । प्रेम कथामा आधारित संगसंगै दोस्रो विवाह र समाजमा गरिबीको कारण निम्त्याउने समस्यालाई चलचित्रमा देखाउन खोजिएको निर्देशक हुत्त सञ्जय लामाले बताए । मकवानपुरको ईन्द्रसरोवर गाउँपालिकाका मनोरम स्थानहरूमा चलचित्र छायांकन गरिएको कलाकार हेमकुमार तितुङले जानकारी दिनु भयो । चलचित्रमासुनिता लुङ्बा, तारा थोकर, हेमकुमार तितुङ, प्रज्मी बोम्जन, राजकुमार स्याङ्तान, सङ्गीता बोम...

हेटौंडा/ चलचित्र मुनसन सुपरस्टार मुभिज प्रालिको व्यानरमा निर्माण गरिएको तामाङ चलचित्र ए ङाला ह्राङ्बा माया हेटौंडामा पुन विशेष शो हुने भएको छ । आगामी चैत्र २ गते हेटौंडामा पुन शो हुने निर्देशक हुत्त सञ्जय लामाले जानकारी दिएका छन् । मकवानपुरको ईन्द्रसरोवर गाउँपालिका क्षेत्रमा छाँयाकन गरिएको चलचित्रलाई सञ्जय÷अर्जुनको निर्देशन रहेको छ । चलचित्रका निर्माता लामाले चलचित्र सामाजिक कथावस्तुमा आधारित रहेको बताएका छन् । २४ लाख लगानीमा निर्माण भएको चलचित्रमा सुनिता लुङ्वा, हिराबहादुुर मुक्तान, हेमकुमार तितुङ, तारा थोकर, माया डोल्मा लामा, मनिका सिंतान, राजकुमार तामाङ, जगतबहादुर मुक्तान लगायतको अभिनय रहेको छ । यस अघि चलचित्र ए ङाला ह्राङ्बा माया पुष २० गते हेटौंडामा पहीलो पटक बिशेष शो प्रदर्शन गरिएको थियो । निर्देशक लामाले दर्शकहरुको मागले हेटौंडाको ओम्याक्स हलमा पुन शो प्रदर्शन गर्न लागिएको बताए ...